‘‘இந்தத் திருடன் உன் குரூப்புல புதுசா சேர்ந்திருக்கானா கபாலி..?’’
‘‘அட... எப்படிக் கண்டுபிடிச்சீங்க ஏட்டய்யா?’’
‘‘தேவையே இல்லாம அனாவசியமா என்னைப் பார்த்து பயப்படறானே!’’

காதலுக்கும் கல்யாணத்துக்கும் என்ன வித்தியாசம்?
காதலிக்கும்போது வீட்டுக்குப் பயப்படணும்;
கல்யாணம் ஆயிடுத்துனா
வீட்டுக்காரிக்கு பயப்படணும்!

பூனை, நாய், குரங்குன்னு விலங்குகளின் வால் எவ்வளவுதான் பெரிசா இருந்தாலும் ‘டெய்ல்’னுதான் சொல்லுவாங்க; ‘டீடெய்ல்’னு சொல்ல மாட்டாங்க!
- ‘வாலு’ பட போஸ்டர்
பார்த்துவிட்டு வால்தனம்
செய்வோர் சங்கம்

‘‘தலைவர் செஞ்சது எதுவுமே சரியில்லைன்னு மகளிரணித் தலைவி புலம்பறாங்களே... என்ன விஷயம்?’’
‘‘மகளிரணித் தலைவி வீட்ல இன்னிக்கு சமையல் செஞ்சது தலைவர்தானாம்..!’’

பத்திர அலுவலகத்துல வேலை பார்க்கறவர் பெண் அதிகாரியா இருந்தாலும், அவரையும் ‘சார்’ பதிவாளர்னுதான் சொல்லுவாங்க; ‘மேடம்’ பதிவாளர்னு சொல்ல மாட்டாங்க!
- ஆண் உரிமை
பேசுவோர் சங்கம்

‘‘தனக்கு மாலை போட்டவரை தலைவர் ஏன் மேடையிலயே அடிக்கறார்..?’’
‘‘மாலையோட விலைய மைக்ல சொல்லிட்டாரே..!’’

‘‘ஜனாதிபதி தேர்தல்ல நான் நிக்கப் போறேன்னு எவனோ புரளியைக் கிளப்பி விட்டுருக்கான்...’’
‘‘அதனால என்ன தலைவரே..?’’
‘‘ஜனங்க குவார்ட்டரும் கோழி
பிரியாணியும் கேக்குறாங்களே..!’’