‘‘ஒழுங்கா மாமூல் தராம டபாய்ச்சுக்கிட்டு இருந்த கபாலியைப் பார்த்து ஏட்டய்யா ஏதோ சொன்னாரே... என்ன அது?’’
‘‘கண்ணா, களி தின்ன ஆசையா’ன்னு கேட்டார்!’’

‘‘பிறந்த நாள் விழாவில தலைவர் ஏன் டென்ஷனா இருக்கார்..?’’
‘‘யாரோ கைதி டிரஸ்ஸை அவருக்குப் பரிசா கொடுத்தாங்களாம்..!’’

‘‘நான் சொல்லுவதெல்லாம் உண்மை... உண்மையைத் தவிர வேறொன்றுமில்லை...’’
‘‘தலைவரே... இது கோர்ட் இல்லே, சட்டசபை! நீங்க பதவி ஏத்துக்கிறீங்க...’’

‘‘வர வர கபாலிக்கு போலீஸ் பயமே இல்லாம போச்சு...’’
‘‘ஏன் அப்படிச் சொல்றே..?’’
‘‘உன்னைத் தூக்கி உள்ள போடப் போறேன்னு மிரட்டினா, ‘எனக்கொண்ணும் இல்ல சார். நீதான் சாப்பாட்டுக்கு கஷ்டப்படுவே’ங்குறான்!’’

தத்துவம் மச்சி தத்துவம்
என்னதான் ஒரு பள்ளத்தாக்குல ஷூட்டிங்குக்கு லொகேஷன் பாத்தாலும், அதையும் லொகேஷன்னுதான் சொல்லுவாங்க; ‘லோ’கேஷன்னு சொல்ல மாட்டாங்க!
- ப்ரிவியூ ஷோ டிக்கெட்டையே பிளாக்கில் விற்று
பணம் பார்ப்போர் சங்கம்

அடி மேல் அடி அடிச்சா அம்மியும் நகரும். அடி மேல் அடின்னு தர்ம அடி அடிச்சா அம்புட்டு பார்ட்ஸும் நகர்ந்துரும்!
- எவ்வளவு அடிச்சாலும் தாங்கி
விழுப்புண் பெற்றோர் சங்கம்

என்னதான் ஒருத்தர் தனக்கு ‘ஸ்டீல் பாடி’ன்னு சொன்னாலும், அதை வச்சு பீரோ, கட்டில் எல்லாம் செய்ய முடியாது!
- ஜிம் பாய்களுக்கு எலும்பு சூப் கொடுப்போர் சங்கம்