என்னதான் பெரிய தமிழாசிரியரா இருந்தாலும் கையில இருக்கிற தொகையை எண்ணி சொல்லலாம். அதுக்காக வினைத்தொகை, பண்புத்தொகையையெல்லாம் எண்ணி சொல்ல முடியாது!

‘‘ஆனாலும் தலைவர் ரொம்ப மோசம்...’’
‘‘ஏன்... என்னாச்சு?’’
‘‘மீட்டிங்ல தன் பேச்சுக்கு நடுவே கைதட்டறதுக்காக கட்சியில ‘கை தட்டல் அணி’ன்னு ஒண்ணு உருவாக்கியிருக்காரே...’’

‘‘மன்னர் புறமுதுகு காட்டி ஓடி வரும்போது இளம் பெண்கள் குறுக்கே வந்து விழறாங்களே... ஏன்?’’
‘‘மன்னர் ஓட்டத்தைத் தடுக்கறதுக்காக எதிரி மன்னன் வச்ச ‘கன்னி வெடி’தான் அது..!’’

என்னதான் அரசியல்வாதிகள் அடிக்கடி பல்டி அடிக்கிறதா சொன்னாலும், பொலிட்டிகல் சயின்ஸ் படிப்பை ‘பல்டி மீடியா படிப்பு’ன்னு சொல்ல முடியாது.
- மல்டி மீடியா லெவலில் தத்துவம் சொல்வோர் சங்கம்

‘‘இந்தம்மா என்ன சிறப்பு பூஜை பண்றாங்க..?’’
‘‘மெகா சீரியல்கள்ல வர்ற அத்தனை பெண்களின் கஷ்டமும் உடனே தீரணுமாம்..!’’

‘‘வீட்ல புதுசா ஹோம் தியேட்டர் வாங்கி வச்சது தப்பாப் போச்சு...’’
‘‘ஏன் சார்... என்னாச்சு?’’
‘‘ரோட்ல பாப்கார்ன் விக்கிறவர், இப்ப வீட்டுக்குள்ளேயே வந்துட்டுப் போறார்..!’’

நூல்கண்டுல நூல் இருக்கும்; கற்கண்டுல கல் இருக்குமா?
- கற்கண்டாய் இனிக்கும் தத்துவங்கள்
சொல்வோர் சங்கம்