இளைய தலைமுறையினரிடம்தான் நாளைய இந்தியா இருக்கிறது. லட்சியத்துக்காக லட்சக்கணக்கில் சம்பளம் பெறும் வெளிநாட்டு வேலையை விட்டு வந்த தேனூர் செந்தில் போன்றவர்கள் உதாரண புருஷர்கள்!

கட்டழகி வேதிகாவை கரி பூசி மறைத்துவிட்டு, ‘அவர் அழகில்லை’ என்னும் பாலாவுக்கு இளைஞர்கள் இ.பி.கோவில் கடும் தண்டனைதான். ஆனால், உருவத்தில் அழுக்காக்கினாலும் நடிப்பில் பட்டை தீட்டிவிடும் கில்லாடியல்லவா பாலா!

தனுஷ், பார்வதி நடித்திருக்கும் ‘மரியான்’ பற்றிய கட்டுரை சரியான திரை விருந்து. தனுஷ் நிஜமாகவே சுனாமியில் ஸ்விம்மிங்கைப் போடுவாரா, இல்லையா என்ற ஆவல் இப்போதே பற்றிக்கொண்டுவிட்டது!

கிராமப்புற இளைஞர்களுக்கு இது போதாத காலம் போல. தைரியமா பேங்குக்கு போய் அக்கவுன்ட் ஆரம்பிக்கவே தயங்குற பசங்க இன்னும் இருக்கும்போது, அவங்களை ‘ஆன்லைனில் பரீட்சை எழுது’, ‘கம்ப்யூட்டர் சர்டிபிகேட் கொண்டு வா’ங்கறதெல்லாம் அடுக்குமா?

விஜய் படத்துல நடிக்கப் போகிறோம்ங்கற சந்தோஷத்துல அமலா பாலுக்கு தலை கால் புரியாம இருக்கலாம். அதுக்காக கால் ரெண்டையும் தலைக்கு மேலே தூக்கி வச்சுக்கிட்டே போஸ் கொடுத்திருக்குறது ஓவர்!

கெட்டுப்போன ‘ரயில் இறைச்சி’ யில் பிரியாணி போட்டு, சாலையோரங்களில் ‘டங்... டங்...’ என்று டபராவைத் தட்டி, அப்பாவி மக்களுக்கு சாவு மணி அடிக்கும் சங்கதி அதிர்ச்சி ரகம். கட்டுரையில் நல்ல இறைச்சி வாங்குவதற்கான டிப்ஸ்கள்தான் ‘ஹைலைட்’!

‘அன்பே வா’ படத்தில் முதலில் ‘தென்னக ஜேம்ஸ்பாண்ட’ ஜெய்சங்கர் நடிப்பதாக இருந்தது. எம்ஜிஆர் ஆசைப்பட்டதால் அவர் விட்டுக் கொடுத் தார் என்பது புதிய தகவல்... அரிய தகவல்!

பாலியல் கல்வி அவசியமாக்கப்பட வேண்டிய சூழலில், விவகாரமான விஷயங்களைக் கூட விரசமில்லாமல் எடுத்துச் சொல்லும் ‘ச்சீய் பக்கங்கள்’, சிறப்பான பக்கங்கள்!

மாப்பிள்ளை ‘மலேரியா’ வாசுதேவனுக்கு மச்சான் ‘டெங்கு’நாதன் என்கிற கொசு எழுதிய கடிதத்தைப் படித்து வாய்விட்டு சிரித்தேன். வாரா வாரம் ஆல்தோட்ட பூபதி ரவுசு தாங்கலை சாமி!