‘‘ஜெயில்ல தலைவர் ரொம்ப கலாட்டா பண்ணிட்டாராமே..?’’
‘‘ஆமா... போன தடவை அவர் 7ம் நம்பர் செல்லுல ஹன்சிகா படம் வரைஞ்சு வச்சிருந்தாராம்... அதை யாரோ அழிச்சிட்டாங்களாம்!’’

‘‘எங்க தலைவர் புதுப் படம் மாதிரி...’’
‘‘எப்படிச் சொல்றே..?’’
‘‘எப்ப ரிலீஸ் ஆவாருன்னே தெரியாது..!’’

ஸ்பீக்கரு...

‘‘கூட்டணியில் சேருங்கள் என்று யாரிடமும் கெஞ்ச நான் தயாரில்லை... தேர்தல் கமிஷனே என்னோடு கூட்டணி அமைக்க வந்தபோது உதறித் தள்ளியவன் நான் என்பதை இங்கே பதிவு செய்ய விரும்புகிறேன்...’’

தத்துவம் மச்சி தத்துவம்

எவ்வளவு பெரிய
‘வால் நட்சத்திரமா’ இருந்தாலும், அதால
அதன் வாலை
அங்கேயும் இங்கேயும்
ஆட்ட முடியுமா?
- நடுநிசியில்
நட்சத்திரங்களை
எண்ணியபடி தத்துவம்
யோசிப்போர் சங்கம்

‘‘தலைவர் ஏன் உங்கள திடீர்னு கட்சிய விட்டு நீக்கியிருக்கார்..?’’
‘‘இதுவரைக்கும் ஜெயிலுக்குப் போனதில்லைன்னு சொன்னேன்..!’’

‘‘ஏன்யா... கூட்டத்துல நான் பேசறதுக்கு மைக், ஸ்பீக்கர் எல்லாம் ஏற்பாடு பண்ணிட்டீங்களா?’’
‘‘நாலு பேருக்கு பேசறதுக்கு அதெல்லாம் எதுக்கு தலைவரே..?’’

‘‘குற்றப் பத்திரிகையைப் பார்த்து நம்ம தலைவர் ஏன் குஷியாகிட்டார்..?’’
‘‘இந்தப் பத்திரிகையில்தான் அவரோட பேருக்குப் பக்கத்தில மகளிரணித் தலைவியின்
பெயரும் வந்திருக்காம்..!’’