‘தல’ நிமிர்ந்த சந்தோஷம்!

எதிர்காலம் உள்ள பொறியியல் படிப்புகளை எப்படித் தேர்ந்தெடுப்பது என விவரித்தது காலத்திற்கேற்ற அக்கறையான அப்டேட் மந்திரம்!
- ஜி.சுபத்ரா சிவராமன், கோவை.

இளசு புதுசு... டைட்டிலுக்கு ஏற்றபடி ஹீரோயின்கள் எல்லாமே புது தினுசு... ஜில் ஜில் போட்டோக்கள் கோடைப் பரிசு. உம்ம மனசு ரொம்ப பெருசு!
- சிவமைந்தன், சென்னை-78.



இலவசங்கள் எடுபடாது என நெஞ்சு நிமிர்த்தும் தமிழர் சசிந்தரனின் செய்தி அற்புதம். இந்த நிலை தமிழகத்தில் எப்போது சாத்தியமாகும் என ஆதங்கம் எழுகிறது!
- பர்வீன் பாத்திமா, திண்டுக்கல்.

‘பிரெட்டுக்குள் புற்றுநோய்’ செய்தியைப் படித்தபோது பிரெட்தான் சாப்பிட்டுக் கொண்டிருந்தேன். அலர்ட்டாகி உடனே தூக்கிப் போட்டுட்டேன் சாமி!
- மைக்கேல்ராஜ், சாத்தூர்.

மூன்று ஆபரேஷன்களுக்குப் பிறகு ‘தல’ நிமிர்ந்த செய்தி, சரவெடி சந்தோஷம் தந்தது. பளிச் போட்டோக்கள் செம கிரேஸ்.
- ஆசை.மணிமாறன், திருவண்ணாமலை.

ஹோட்டலில் தங்குவது குறித்த பயம் நடிகைகளுக்கு மட்டுமல்ல... அனைவருக்குமே இருக்கிறது. இனி, கேமரா கண்களிடம் தப்பித்து அந்தரங்கம் காப்பது கடினம்தான்!
- கே.சிவசெல்வி பரமேஷ், ஈரோடு.

ஆட்டிஸத்தை ஆச்சரியக் குறியாக்கி, ஒரு புத்தகமே எழுதும் அளவுக்கு முன்னேறியிருக்கும் ஐஸ்வர்யா லட்சியப் பெண்ணேதான்!
- வெ.லட்சுமிநாராயணன், வடலூர்.

வாய்ப்பேச்சில் பிளேடு போட்டே விருதுகளைத் தட்டி கெத்தாக வாழும் பிளேடு
சங்கர்ஜிக்கு வாழ்த்துகள்!
- மு.கிருதியாபாலா, புதுச்சேரி.

பெண்ணுக்காக வேட்டி வரிந்து கட்டி பேசும் ராமின் பேட்டி விறுவிறுப்புடன் செம ரகளை!
- ப.நந்தா மணிகண்டன், திருப்பூர்.

10 மணி நேரம் பெயின்ட் அடித்த சுவர் காய்வதை அப்படியே ஒரு திரைப்படமாக்கி, சென்சார் அதிகாரிகளை மண்டை காயச் செய்த பிரிட்டன் இளைஞர் சார்லி லைன் செம கில்லாடி!
- வீ.அரசு, புதுச்சேரி.

கணவர் ரகுவரன் பற்றி இத்தனை நாள் சொல்லாத பல விஷயங்களைப் பகிர்ந்துகொண்ட நடிகை ரோகிணியின் Download மனசு பக்கங்கள் மிக ஈரமானவை!
- கே.சாரதா, திருச்சி.