ஒவ்வொரு வருடமும் கேரளாவில் காலியாக இருக்கும் அரசுப் பணியிடங்களுக்காக கேரளா பப்ளிக் சர்வீஸ் கமிஷன் தேர்வு நடைபெறுகிறது. இந்த தேர்வில் ஆயிரக்கணக்கானோர் பங்கேற்று சில நூறு பேர் மட்டுமே வேலை வாய்ப்பைப் பெறுகின்றனர்.

இந்நிலையில் சமீபத்தில் நடந்த தேர்வில் வெற்றி பெற்று அரசு வேலையைப் பெற்றதோடு, சமூக வலைத்தளங்களில் வைரலாகி வருகின்றனர் பிந்துவும், விவேக்கும். கேரளாவில் உள்ள அங்கன்வாடியில் ஆசிரியையாக இருப்பவர் பிந்து. 42 வயதான பிந்து, நான்கு முறை தேர்வெழுதி இப்போதுதான் வென்றிருக்கிறார். விரைவில் கடைநிலை ஊழியராக அரசுப் பணியில் சேரப்போகிறார்.