இரத்தம் படிந்த கத்தியுடன், கலைந்து கிடக்கும் உணவகம், கையில் டார்ச்லைட் சகிதமாக அஸ்வின் காக்கமனு. ‘என்னைச் சுத்தி என்ன நடக்குதுன்னே தெரியலை’ என்னும் குரல் ஒலிக்க திகில் ட்ரீட்டாக வெளியாகியிருக்கிறது ‘பீட்சா 3: த மம்மி’ படத்தின் டீஸர். தமிழ் சினிமாவில் மிக முக்கிய பேய் படங்கள் பாகங்களில் தவிர்க்க முடியாதவை ‘பீட்சா’.

முதல் பாகம் கார்த்திக் சுப்புராஜ் - விஜய் சேதுபதி - சி.வி.குமார் கூட்டணியில் மெகா வெற்றி பெறவே, அடுத்து அசோக் செல்வன் நடிப்பில்  ‘பீட்சா 2: வில்லா’ வெளியானது. அப்படமும் ஓரளவு நல்ல வரவேற்பைப் பெற இதோ மூன்றாம் பாகமான ‘பீட்சா 3: த மம்மி’ படம் கோடை விருந்தாக வரவிருக்கிறது.

தொடர்ந்து சி.வி.குமார் சார் கிட்டே ‘மாயவன்’ படத்திலே உதவி இயக்குநரா வேலை செய்தேன். அப்பதான் நம்பிக்கையா ‘பீட்சா’ படத்தின் தலைப்புக்காகவே ஒரு கதை உருவாக்கி சார் கிட்டே சொன்னேன். ஓகே ஆகிடுச்சு.

முழுமையான எமோஷனல் ஹாரர் படம் இது. இப்படியான வெற்றிகரமான டைட்டிலை கையிலே எடுக்கும்போது ஆடியன்ஸை சுலபமா தியேட்டருக்கு வரவழைச்சிடலாம். ஆனா, அந்த டைட்டில் கொடுத்த மேஜிக் அளவுக்கு நிச்சயம் மெனக்கெடணும்.

ரெஸ்டாரண்ட் நடத்துகிற ஒரு இளைஞர். அங்கே தினம் தினம் அமானுஷ்யமான விஷயங்கள் நடந்துகிட்டே இருக்கு. தொடர்ந்து இவர் டெலிவரி செய்கிற இடங்களிலும் அதிர்ச்சியான சில சம்பவங்கள் எல்லாம் நடக்குது. ஏன்... என்ன பின்னணி... இதை நோக்கிய தேடலும், திகிலும்தான் கதை. காமெடியோ, பேயை சர்காஸ்டிக் செய்கிற நையாண்டியோ எதுவும் இல்லை.

இந்தப் படம் டெக்னிக்கலி அதிகம் பேசப்படும். ‘பீட்சா’ முதல் பாகத்தின் முக்கிய பலமே மேக்கிங்தான். அந்த மேக்கிங்கை விட இன்னும் சிறப்பான மேக்கிங் கொடுக்க முயற்சி செய்திருக்கோம்.

கதைதான் ஹீரோ. இதைப் புரிஞ்சுக்கிட்டாலே போதுமானது. கதை எழுதுவதோடு அதை சுவாரஸ்யமா சொல்லவும் திறமையை வளர்த்துக்கணும். அடுத்து பட்ஜெட் புரிஞ்சு படம் உருவாக்கத் தெரியணும். இதெல்லாம் முதலில் நானே முழுமையா செய்தேனா தெரியலை.

சி.வி.குமார் சார் மாதிரி ஒரு தயாரிப்பாளர் கூடவே இருக்கற வாய்ப்பு கிடைச்சது, அதைத் தொடர்ந்து படமும் கிடைச்சது. ஆனாலும் நல்ல கதை இல்லைன்னா அதே சி.வி சார் என்னை இயக்குநர் நாற்காலியிலே உட்கார வைச்சிருப்பாரான்னு கேட்டா நிச்சயம் இல்ல. அதனால் கதைதான் இந்தப் படத்தை தீர்மானிச்சது.