சென்னையில் இருக்கு காலண்டர் ஓவியர்களின் கலைக்கூடம்!

காலண்டர் ஓவியங்களின் பிதாமகர் ஓவியர் கொண்டையராஜு. அவரின் சீடர்கள் வரைந்த கடவுள் ஓவியங்கள்தான் அன்று காலண்டர்களை அலங்கரித்தன. இந்த கடவுள் ஓவியங்களுக்காகவே அன்றைய வீடுகளில் காலண்டர்கள் வாங்கும் பழக்கமும் இருந்து வந்தது. ஆனால், நவீன டிஜிட்டல் யுகத்தில் அவையெல்லாம் காணாமல் போய்விட்டன.

தூத்துக்குடி மாவட்டம் கோவில்பட்டியில் காலண்டர் ஓவியத்துக்கென தனித்துவமான பாணியை உருவாக்கி, இந்திய கலைஞர்களைத் திரும்பிப் பார்க்கச் செய்த ஓவியர்கள் இவர்கள்.
அதுமட்டுமல்ல. வட்டார தெய்வங்களைக் காலண்டர் ஓவியங்களாக ஆக்கிய பெருமைக்குரிய ஓவியர்களும் இவர்கள்தான். இவர்களின் ஓவியங்கள் எப்படி இருக்கும் என்பது அன்றைய தென்மாவட்ட மக்களுக்கே தெரியும்.