வியக்கவைக்கும் சாதனைகள் தொடருகின்றன...

திமுக தலைவர் மு.க.ஸ்டாலின், தமிழக முதல்வராக பொறுப்பேற்று இரண்டு ஆண்டுகள் நிறைவு பெற்று மூன்றாம் ஆண்டில் அடியெடுத்து வைக்கிறார்.முத்துவேல் கருணாநிதி ஸ்டாலின் என்கிற மு.க.ஸ்டாலின் தலைமையிலான திமுக அரசு, இந்த இரண்டு ஆண்டுகளில் மேற்கொண்ட முக்கிய நடவடிக்கைகளின் தொகுப்பு தேசத்தையே வியக்க வைத்துள்ளது. அவற்றில் சில...

* ஆவடி, தாம்பரம் புதிய காவல் ஆணையரகங்கள் உருவாக்கம்.

* போலீசாருக்கு வாரம் ஒரு நாள் விடுமுறை அறிவிப்பு.

* சென்னை மெட்ரோ ரயில் திட்டம் 2ம் கட்டமாக மொத்தம் 118.9 கிலோமீட்டரில் 3 வழித்தடங்களுக்கு கட்டுமானப் பணி நடந்து வருகிறது.

* மாற்றுத்திறனாளிகளுக்கு ரூ.2 ஆயிரம் மாதாந்திர உதவித்தொகை வழங்கப்படுகிறது.

* வரலாற்றில் முதன்முறையாக மின்நிதிநிலை அறிக்கை வெளியிட்டது மு.க.ஸ்டாலின் தலைமையிலான ஆட்சியில்தான்.

* மதுரையில் ரூ.114 கோடியில் உயர் தொழில்நுட்பத்துடன் கலைஞர் நூலகம் அமைக்கப்பட்டு வருகிறது.

* வேளாண்மைக்கு தனி நிதிநிலை அறிக்கை முதன்முறையாக அறிமுகப்படுத்தப்பட்டதும் இந்த ஆட்சியில்தான்.

* தமிழ் வளர்ச்சித்துறை விருதுகளுக்கு வழங்கும் விருதுத் தொகை ரூ. ஒரு லட்சத்திலிருந்து ரூ.2 லட்சமாக உயர்த்தப்பட்டுள்ளது.

* முதலமைச்சரின் மாநில இளைஞர் விருதுக்கான பரிசுத்தொகை ரூ. ஒரு லட்சமாக உயர்வு.

* உலக செஸ் ஒலிம்பியாட் போட்டிகளை நடத்திக் காட்டி சர்வதேச அளவில் முத்திரை பதித்தது.

* கூட்டுறவு நிறுவனங்களில் 5 பவுனுக்குள் நகைக்கடன் பெற்று நிலுவையில் இருந்த ரூ.4818.88 கோடி தள்ளுபடி செய்யப்பட்டது.

* ரூ.2755.99 கோடி மகளிர் சுயஉதவிக்குழு கடன் தள்ளுபடி செய்யப்பட்டுள்ளது.

* கொரோனா காலத்தில் செய்தியாளர்களுக்கு ரூ.5 ஆயிரம் நிவாரண நிதியை வழங்கியது இந்த அரசுதான்.

* பசியால் வாடும் பள்ளிக் குழந்தைகளுக்கு காலை உணவுத் திட்டம்.

* அனைத்து மாவட்டங்களிலும் பொங்கல் விழா.

* மின்வாரிய குறைகளைத் தீர்க்க ‘மின்னகம்’ என்கிற பெயரில் நுகர்வோர் சேவை தொடக்கம்.

* சார்பதிவாளர் அலுவலகங்கள் சனிக்கிழமையும் செயல்பட அனுமதி.

* 46 கோயில்களில் தமிழில் அர்ச்சனை செய்யும் முறை அமல்படுத்தப்பட்டதும் இந்த ஆட்சியில்தான்.

* தேர்வாணையத்தின் அனைத்து தேர்வுகளிலும் தமிழ் மொழி தகுதித் தேர்வு கட்டாயமாக்கப்பட்டது.

* அனைத்து வகை ஆவின் பால் விலையையும் லிட்டர் ஒன்றுக்கு ரூ.3 குறைத்தது.

இவை எல்லாம் மாதிரிகள்தான். இதுபோன்று இன்னும் ஏராளமான திட்டங்களை மு.க.ஸ்டாலின் தலைமையிலான திமுக அரசு செயல்படுத்தியுள்ளது; செயல்படுத்தியும் வருகிறது. இந்த சாதனைகள் வரும் ஆண்டுகளில் இன்னும் அதிகளவில் தொடரும் என்கிறார் தமிழக முதல்வர் மு.க.ஸ்டாலின்.