ஃபேமிலி பேக்

இந்நிலையில் பூகம்பம் வருகிறது. அவர்களைச் சுற்றியிருக்கும் எல்லாமே வித்தியாசமாக காட்சியளிக்கிறது. முன்பு இருந்ததைப் போல இல்லை. ஜெரோமின் மூத்த மகள் கிளாரா காணாமல் போகிறாள். ஜெரோமின் குடும்பத்தினருக்கு ஒரு விஷயம் தெரிய வருகிறது. பூகம்பத்துக்குப் பிறகும் அதே வீட்டில்தான் இருக்கின்றனர். 

ஆனால், காலம் மாறியிருக்கிறது. 500 வருடங்கள் பின்னோக்கிச் சென்றிருக்கிறது ஜெரோமின் குடும்பம். எப்படி ஜெரோமின் குடும்பம் கடந்த காலத்துக்குள் சென்றது? உண்மையில் பூகம்பம்தான் வந்ததா? எப்படி அவர்கள் நிகழ்காலத்துக்கு வந்தார்கள்... என்பதை ஃபேன்டஸியாகச் சொல்லியிருக்கின்றனர். ஜாலியான ஒரு படத்தைக் கொடுத்திருக்கிறார் இயக்குநர் ஃப்ரான்சியோஸ் உசான்.

சுவாரஸ்யமான திகில் படத்தைப் பார்க்க விரும்புகிறீர்களா? உங்களுக்கான நல்ல சாய்ஸ் ‘குக்கூ’. ‘ஹாட் ஸ்டாரி’ல் காணக்கிடைக்கிறது இந்த ஆங்கிலப்படம். அம்மா இறந்த பிறகு, 17 வயதான கிரேட்சன் தந்தை லூயிஸுடன் ஒரு மலைப்பகுதிக்குச் செல்கிறாள். 

அங்கே லூயிஸுக்கு மனைவி, ஆல்மா என்ற மகள் என்று இன்னொரு குடும்பம் இருக்கிறது. வேறு வழியில்லாமல் தந்தை லூயிஸுடன் இருக்க வேண்டிய நிலை கிரேட்சனுக்கு ஏற்படுகிறது. அந்த மலையில் லூயிஸின் நண்பர் ஒரு ரிசார்ட்டை வைத்திருக்கிறார். அந்த ரிசார்ட்டில் வேலை செய்ய ஆரம்பிக்கிறாள் கிரேட்சன்.

அங்கே பல விநோதமான சம்பவங்கள் நடக்கின்றன. ரிசார்ட்டில் தங்கியிருக்கும்  பெண் வாடிக்கையாளர்கள் எல்லோரும் வாந்தி எடுக்கின்றனர். ஆல்மாவிற்கு வலிப்பு ஏற்படுகிறது. இரவு நேரத்தில் வித்தியாசமான ஒரு பெண்ணைச் சந்திக்கிறாள் கிரேட்சன். 

அந்தப் பெண்ணுக்கும் ஒரு கொலைக்கும் சம்பந்தமிருப்பது கிரேட்சனுக்குத் தெரியவர, சூடுபிடிக்கிறது திரைக்கதை.  திகில் படப்பிரியர்கள் தவறவிடக்கூடாத படம் இது. இப்படத்தின் இயக்குநர் டில்மன் சிங்கர்.