‘நீ ஏற்கனவே கடல் கடந்துதான் எனக்காக வந்திருக்க...’ சமீபத்திய இயல்பான அதே சமயம் ஆழமான காதல் ப்ரொபோசல் இதுதான். ‘டூரிஸ்ட் ஃபேமிலி’ படத்தில் வரும் இந்த ஒற்றைக் காட்சி இப்போது இளசுகளிடம் டிரெண்டிங்.

ரீல்ஸ், ஷார்ட்ஸ் உட்பட வைரல். அறிமுக இயக்குநர் அபிஷன் ஜீவிந்த் இயக்கத்தில் சசிகுமார், சிம்ரன், மிதுன் ஜெய்சங்கர், கமலேஷ், யோகி பாபு, எம்.எஸ்.பாஸ்கர், ரமேஷ் திலக், பகவதி பெருமாள், இளங்கோ குமரவேல், ஸ்ரீஜா ரவி, யோக லட்சுமி உள்ளிட்ட பலர் நடிப்பில் வெளியாகி வெற்றிகரமாக ஓடும் திரைப்படம் ‘டூரிஸ்ட் ஃபேமிலி’.

சென்னை பொண்ணுதான். 2001ம் ஆண்டு பிறந்த 24 வயது மங்கை. கல்லூரிப் படிப்பை முடித்தவுடன்  மாடலிங்கில் களமிறங்கியவர். தொடர்ந்து டிஜிட்டலில் இன்சூரன்ஸ் ஆக களமிறங்கினார். 

சன் டிவியில் பட்டையைக் கிளப்பும் ‘சிங்கப்பெண்’ தொடரில் ‘காயத்ரி’ என்ற கதாபாத்திரம் மூலம் ரசிகர்களுக்கு பரிச்சயமானார். அதனைத் தொடர்ந்து ‘ஹார்ட் பீட்’ என்ற இணையத் தொடரில் ‘தேஜு’ எனும் கதாபாத்திரத்தில் கவர்ந்தார். இத்தொடர், இளம் ரசிகர்கள் மத்தியில் பெரும் வரவேற்பைப் பெற்றது.

இப்போது ‘டூரிஸ்ட் ஃபேமிலி’ திரைப்படத்தில் அவர் நடித்த ‘குரல்’ என்ற கதாபாத்திரம், அவருக்கு மிகப்பெரிய அங்கீகாரத்தை பெற்றுக் கொடுத்திருக்கிறது. இன்ஸ்டாகிராம் பக்கத்தில் (@iamyogalakshmi) படு பிசியாக செயல்பட்டு வருகிறார்.

யோகலட்சுமியின் ஸ்பெஷல் படத்தில் வருவது போலவே தன் சமூக வலைதள பக்கங்களிலும் இயற்கையான அழகுடன் எந்த மேக்கப்பும் அதிகம் பயன்படுத்தாமல் வீடியோக்கள் மற்றும் புகைப்படங்கள் பதிவிடுவதுதான்.