இப்படி டீசரிலேயே இக்காலத் தலைமுறையின் கதறலாக ஒலிக்கிறது ‘நீ ஃபாரெவர்’.

ரொமாண்டிக் திரில்லர் ‘தருணம்’ கொடுத்த தயாரிப்பாளர்கள் ஈடன் மற்றும் புகழ் குழுவின் அடுத்த படம்தான் இந்த ‘நீ ஃபாரெவர்’. முழுக்க முழுக்க புதுமுக நடிகர்களுடன் இளமைத் துள்ளலுடன் இம்முறை களம் இறங்குகிறார்கள்.

‘‘இன்னைக்கு உலகமே, திருமணமானாலும் சரி சிங்கிளா இருந்தாலும் சரி, எந்த வயது வித்தியாசமும் இல்லாம டேட்டிங் appsல்தான் இருக்காங்க. எதுவுமே இல்லைன்னா கூட தன்னை எத்தனை பேர் தேர்வு செய்யறாங்க என்பதை தெரிஞ்சுக்கவாவது டேட்டிங் ஆப்ஸ் பயன்படுத்துறாங்க. 

ஆனால், அங்கேயே இருந்துகிட்டு ‘நீங்க இங்க என்ன செய்யறீங்க’னு நம்மளை கேரக்டர் ஜட்ஜ்மெண்ட் செய்யும்போதுதான் கோபமா வருது...’’ 90ஸ் மற்றும் 2கே தலைமுறையின் குரலாக பேசுகிறார் அறிமுக இயக்குநர் அசோக்குமார் கலைவாணி.

‘‘ஒரு டேட்டிங் ஆப்ஸ், அதில் சந்திக்கற ரெண்டு பேர், தொடர்ந்து அந்த ரிலேஷன்ஷிப் என்ன ஆகுது... அவங்களை எந்த எல்லை வரை கூட்டிட்டுப் போகுது என்பதுதான் கதை.

‘‘ஆமா. நானும் ஒரு சிங்கிள் பெற்றோர் கிட்தான். ஸ்கூல் வாழ்க்கை துவங்கி நிறைய இடங்களில் இந்த கேள்விகளை எல்லாம் சந்திச்சிருக்கேன். நிறைய சொந்த அனுபவங்கள் படத்தில் இருக்கு.

 ‘தருணம்’, ‘பியார் பிரேமா காதல்’ படங்களுக்கு வேலை செய்த ராஜா பட்டாசார்ஜி ஒளிப்பதிவு செய்திருக்கார். இந்தப்படத்தில் நிறைய லைவ் லொகேஷன் பயன்படுத்தியிருக்கோம். அதற்கு அவருடைய ஒளிப்பதிவு சூப்பரா கைகொடுத்திருக்கு. எடிட்டர்  எஸ்.ஏ.நாகார்ஜுன் என்னுடைய நண்பர்தான்.