இன்னைக்கு ட்ரெண்டிங் மோகத்தால இளைஞர்கள் ரியல் வாழ்க்கைக்கும் ரீல் வாழ்க்கைக்கும் வித்தியாசமே தெரியாத அளவுக்கு வாழ்ந்துகிட்டு இருக்காங்களோ அப்படின்னு தோணுது. எல்லாமே லைக்ஸ், அத்தனையும் சப்ஸ்கிரிப்ஷன், உயிரே போனாலும் அதிலும் கன்டென்ட்... இப்படி உலகம் மாறி இருக்கு. 

குறிப்பா இந்திய இளைஞர்கள்கிட்ட இந்த ட்ரெண்டிங் மோகம் ரொம்ப அதிகமாவே மாறி இருக்கு. சமீப காலமா இந்த ஜோடியா அல்லது கணவன் மனைவியா வீடியோக்கள் எடுக்கிறோம் என்கிற பெயரில் எந்த எல்லையுமே இல்லாமல் போய்க்கிட்டு இருக்கு.

பெரிய அடையாளம், அங்கீகாரம் கிடைக்க வேண்டிய நடிகர். ‘மெட்ராஸ்’ படத்தில் அன்பு கதாபாத்திரத்திற்கு பிறகு இந்த கேரக்டர் நிச்சயம் பேசப்படும்.  குறிப்பா இந்தப் படத்தில் ரொம்ப ஸ்டைலா, மாடர்ன் ட்ரெண்டிங்கில் கலையரசன் நடிச்சிருக்கார். 

ரொம்ப நல்ல நடிகர். பிரியாலயா இதுக்கு முன்னாடி சில சீரியல்கள், ‘குட்நைட்’ மற்றும் ‘இங்க நான்தான் கிங்’ படங்களில் நடிச்சிருக்காங்க. இந்தப் படம் அவங்களுக்கு ஒரு நல்ல பெயர் வாங்கிக் கொடுக்கும். ‘விக்ரம் வேதா’ படத்தில் நடிச்ச பிரேம் ஒரு முக்கியமான கதாபாத்திரத்தில் நடித்திருக்கிறார்.

மியூசிக் சாம் சி. எஸ். அவருடைய பாடல்கள் பேக்ரவுண்ட் பற்றி நான் சொல்லி தெரிய வேண்டியது இல்லை. அவர் பாட்டு இன்னும் இந்தப் படத்தில் பளிச்சென தெரியும். ‘8 தோட்டாக்கள்’, ‘ராக்கி’, ‘சாணிக் காயிதம்’ உள்ளிட்ட படங்களுக்கு எடிட்டிங் செய்த நாகூரன் ராமச்சந்திரன் இந்தப் படத்துக்கு எடிட்டிங் செய்திருக்கார். டெக்னிக்கலாகவே படம் நல்லா வந்திருக்கு.