என்ன இது என மல்ஹோத்ரா தலையில் கையை வைத்து மர்ந்துவிட்டார்.அங்கீகரிக்கப்பட்ட மேட்ரிமோனியல் சைட்தான். அப்படி நினைத்துதான் அதில் கட்டணம் செலுத்தி தன் மகளின் விவரங்களை புகைப்படத்துடன் அனுப்பி வரன் தேடத் தொடங்கினார்.பார்த்தால்... அது டுபாக்கூர் சைட்.

அழுக்கு பைஜாமா ஜிப்பா. ஆங்காங்கே கிழிசலும் உண்டு. இதுதான் லலித்தின் அடையாளம். சத்தீஸ்கர் மாநிலத்தில் சாலையோரமாக சப்பாத்தி கடை நடத்தி வருகிறார். விறகடுப்பில் அவரது மனைவி சப்பாத்தியை சுட்டபடி இருப்பார். காலை பத்து மணிக்கு மேல் கடையைத் திறப்பார்கள். இரவு பத்து மணி வரை சப்பாத்தி விற்பனையாகும்.

மேலே குறிப்பிட்ட இரு செய்திகளும் தனித்தனியானவை. மல்ஹோத்ராவுக்கும் லலித்துக்கும் எந்தத் தொடர்பும் இல்லை. சொல்லப் போனால் டுபாக்கூர் மேட்ரிமோனியல் ஆன்லைன் தளத்தை நிர்வகிப்பது லலித் அல்ல.போலவே லலித்தின் வங்கிக் கணக்கில் மாதம்தோறும் டர்ன் ஓவர் ஆகும் ரூபாய் பத்து லட்சத்துக்கும் மல்ஹோத்ராவுக்கும் மைக்ரோ அளவு கூட சம்பந்தமில்லை.

இந்த நான்கு குற்றவாளிகளையும் ஒரே இடத்தில் காவல்துறை பிடிக்கவில்லை. மாறாக ஒடிசா, குஜராத், பிலாஸ்பூர் மற்றும் சத்தீஸ்கர் மாநிலத்திலுள்ள ராய்ப்பூரில் தனித்தனியாக கைது செய்துள்ளனர்.மட்டுமல்ல; சர்வதேச சைபர் கிரைம் சிண்டிகேட்களுடன் அவர்களைத் தொடர்புபடுத்தும் முக்கிய ஆதாரங்களையும் கைப்பற்றியுள்ளனர்.

நாடு முழுவதும் பல்வேறு வங்கிகளில் இருக்கும் 500க்கும் மேற்பட்ட வங்கிக் கணக்குகளில் கோடிக்கணக்கான ரூபாய் மதிப்புள்ள சந்தேகத்துக்கு இடமான பணப்பரிவர்த்தனைகள் நடப்பதை புலனாய்வுத் துறையினர் கண்டுபிடித்து, அதன் அடிப்படையில் நடத்தப்பட்ட விசாரணையில்தான் இவ்வளவு பெரிய மோசடி கும்பல் செயல்பட்டு வருவது தெரியவந்தது. 

இந்த கமிஷன் தொகைக்கு ஆசைப்பட்டு பலரும் தங்கள் வங்கிக் கணக்கை இதுபோன்ற மோசடி கும்பலுக்கு வழங்குகிறார்கள். காவல்துறை விசாரணையின்போது இவர்கள்தான் தேவையில்லாமல் சிக்குகிறார்கள். 

மோசடியாளர்களோ தப்பிவிடுகிறார்கள்.இப்படியாக வடமாநிலங்களில் 79 தனியார் வங்கிக் கணக்குகள், மியூல் கணக்குகளாகவும்; தென்னிந்தியாவில் 17 வங்கிக் கணக்குகள் மியூல் கணக்குகளாவும் செயல்பட்டதை இப்போதைக்கு கண்டுபிடித்திருக்கிறார்கள்.கண்டுபிடிக்கப்படாமல் எத்தனை மியூல் கணக்குகள் இயங்கியபடி இருக்கிறதோ? டிஜிட்டல் தேவனுக்கே வெளிச்சம்!