இறக்கை கட்டிப் பறந்த கிசுகிசுக்களுக்கு மாறாக வெளியாகியிருக்கிறது ‘விழி வீக்குற...’ பாடல். 

‘அந்தப் பொண்ணா இந்தப் பொண்ணு’ என கண்களை ஆச்சர்யத்தில் நிரப்புகிறார் சான்வி. உடலை வளைத்து ஆடும் நடனம், ஸ்டைலான லுக் என பொண்ணு இப்போ இணையத்தில் மட்டுமல்ல இதயத்திலும் டிரெண்ட். அட டான்ஸ் மாஸா ஆடுறீங்களே... என்றதும் கண்கள் மிளிர சிரிக்கிறார்.

‘குடும்பஸ்தன்’ பட நாயகியாக மணிகண்டனுக்கு ஜோடி, படம் முழுக்க கர்ப்பமான காதல் மனைவி, மாமியார் அன்புக்காக ஏங்கும் மருமகள், கணவனின் நெருக்கடிக்குள், தானும் உழன்று கிளைமாக்ஸில் கொந்தளித்து ஓங்கி ஒரு அறை விடும் தருணத்தில் மணிகண்டனையும் மீறி நம் மனதில் நிறைந்த மங்கை இவர். 

தெலுங்கில் ‘பிட்ட காதல’ சீரிஸ், ‘மோஸ்ட் வாண்டட் பேச்சிலர்’, ‘புஷ்பக விமானம்’, ‘பிரேம விமானம்’ என பிசியானவரை ‘குடும்பஸ்தன்’ படக் குழு தேடிப் பிடித்துத் தமிழுக்குக் கொண்டு வந்தனர். இப்போது இணையம் மொத்தமாக இவரை விழுங்கி விழி வீக்க நிற்கிறது. 

எனக்கு சொந்த ஊர் தெலுங்கானா, ஹைதராபாத். அப்பா கிஷோர் வம்சி, பிஸினஸ் மேன். அம்மா பத்மா, ஹோம் மேக்கர். பி.காம் முடிச்சிருக்கேன். எதுவும் இல்லைன்னாலும் அப்பாவுடைய பிஸினஸில் என்னை இணைச்சுக்க பி.காம் உதவும் என்கிற நோக்கத்தில் படிச்சேன். ஆனால், விதி எனக்கான பிளான் வேறு வெச்சிருக்கு. 

எங்க காலேஜ்ல ஒரு படத்தினுடைய ஷூட்டிங் நடந்துச்சு. அதிலே இயக்குநர் ஒருசில கேர்ள்ஸை செலக்ட் செய்து ஹீரோ நானி சாருக்கு பின்னணியில் நிற்க வெச்சாங்க. அதில் நானும் ஒருத்தி. அப்படித்தான் எனக்கு முதல் சினிமா ஃபிரேம் அமைஞ்சது. 

ரொம்ப ஸ்பெஷல்... அந்தப் பாட்டில் கார் ரேஸ் வீரர் நரேன் கார்த்திக் சார் கூட டான்ஸ் ஆடினார். அடுத்து சாய் அபயங்கர் மியூசிக்கில் ‘விழி வீக்குற ...’ பாடல். ரெண்டுமே டிரெண்டில் இருக்கு. பக்கா டான்ஸ் நம்பர்கள்தான். 

சாய் சான்ஸே இல்ல, அப்படி கிரேஸியாக நடனம் ஆடறார். ரிஹர்சல் எல்லாம் முடிஞ்சுதான் ஷூட் செய்தோம். இந்த டான்ஸ்க்கு அப்பறம்தான் ‘‘குடும்பஸ்தன்’ பொண்ணா இது’ என்கிற ஆச்சர்ய கேள்வி எங்கே பார்த்தாலும் வருது. இது என்னுடைய படங்களுக்கும் பெரிய மைலேஜ், நான் மாடர்ன், ஸ்டைலிஷான லுக் கூட செய்வேன் என்கிற மனநிலை உருவாகும். 

‘எந்த வாய்ப்பும் உன்னைத் தேடி சாதாரணமா வராது. உனக்கு அந்த யோகம் இருந்தா,தானா வரும். அப்படி கிடைச்ச வாய்ப்பை தவறா மட்டும் பயன்படுத்திடாதே...’ இது எனக்கு நானே சொல்லிக்கும் பாடம். 

ஒரு படம்னா நான் ஒருத்தி இல்லை... பெரிய குழு ஒண்ணுசேர்ந்து மக்களை மகிழ்விக்க கூட்டாக சேர்ந்துதான் வேலை செய்கிறோம் என்பதையும் உணர்ந்தேன். இந்த வருடமே ரெண்டு படங்கள், பாடல்கள் வெளியாகியிருக்கு. 2025ம் ஆண்டு பக்கா பாசிட்டிவா இருக்கு. படங்களும் நடிச்சிட்டு இருக்கேன். இப்ப இந்த டிரெண்ட் மோடை என்ஜாய் செய்கிறேன்.