‘‘ஓட்டல்ல சரக்கு மாஸ்டரைத்தானே வேலைக்கு வைப்பாங்க... அந்த ஓட்டல்ல எதுக்கு ஸ்டன்ட் மாஸ்டரை வச்சிருக்காங்க..?’’
‘‘குத்து பரோட்டா போடறதுக்கு...’’


‘‘நான் விட்ட அறிக்கையைப் பத்தி ஜனங்க என்னய்யா பேசிக்கறாங்க..?’’
‘‘தலைவருக்கு சூப்பரா ‘காமெடி ஸ்கிரிப்ட்’ எல்லாம் எழுத வருதேன்னு பேசிக்கறாங்க தலைவரே!’’

குளவிக்கூடுல குளவி இல்லாம இருக்கலாம்; குருவிக்கூடுல குருவி இல்லாம இருக்கலாம்... ஆனா, எலும்புக்கூடுல எலும்பு இல்லாம இருக்குமா?
- எலும்பில்லா நாக்கை நம்பி நரம்பில்லாமல் பேசுவோர் சங்கம்

என்னதான் பெரிய விண்வெளி விஞ்ஞானியா இருந்தாலும், ‘உலை’ வச்சாதான் சாப்பிட முடியும். அணுஉலையை வச்சு சாப்பிட முடியாது!
- அடுத்தவர்கள் வேலைக்கு உலை வைக்காதோர் சங்கம்

படிக்கிற பசங்க, என்னதான் வீட்ல அம்மா சொல்ற அத்தனை வேலைகளையும் இழுத்துப் போட்டு செஞ்சாலும், அதையெல்லாம் ‘ஹோம் ஒர்க்’னு ஸ்கூல்ல ஏத்துக்க மாட்டாங்க!
- வீட்டு வேலை செய்யும்போது கட் அடிப்போர் சங்கம்

‘‘போலீஸ் ஸ்டேஷன்ல ஏன் ஆலமரம் செட் போட்டிருக்கு..?’’
‘‘இந்த ஸ்டேஷன் இன்ஸ்பெக்டர் கட்ட பஞ்சாயத்தும் செய்வார்..!’’