‘‘ரயில் வெடியை பத்த வச்சதும் என்னவோ பேசுதே..?’’
‘‘பத்து நிமிடம் கால தாமதமா வெடிக்கும்னு அறிவிப்பு
பண்ணுது..!’’

சிவகாசிக்குப் போறவங்க ‘குட்டி ஜப்பானு’க்குப் போறேன்னு சொல்லலாம். ஆனா ஜப்பானுக்கு போறவங்க ‘பெரிய சிவகாசிக்குப் போறேன்’னு சொல்ல மாட்டாங்க!
- யாரும் மாத்திக் கேட்காதபடி சரியான தீர்ப்பைச்
சொல்வோர் சங்கம்

‘‘ஜெயில் வாசல்ல எதுக்கு பட்டாசு வெடிக்கறாங்க..?’’
‘‘உள்ளே போன தலைவருக்கு இது தலை தீபாவளி..!’’

‘‘என் வீட்டுக்காரர் வருஷா வருஷம் அஞ்சு லட்சம் ரூபாய்க்கு பட்டாசு வாங்குவாரு...’’
‘‘அம்மாடியோவ்... அஞ்சு லட்சத்துக்கா?’’
‘‘ஆமா! பட்டாசுக் கடை வைச்சா வாங்கித்தானே
ஆகணும்?’’

‘‘ஆனாலும் தலைவருக்கு ஓவர் தன்னம்பிக்கை...’’
‘‘என்ன செய்தார்..?’’
‘‘தீபாவளிக்கு வாங்கின எல்லா பட்டாசுகளையும் வெடிச்சிடாம, 2014 லோக்சபா தேர்தல் வெற்றி விழாவுக்கு எடுத்து வையுங்கன்னு கட்சிக்காரங்க கிட்ட சொல்றாரே!’’

‘‘லட்சுமி வெடி இருக்கா..?’’
‘‘அது அவுட் ஆஃப் ஃபேஷன்... லட்சுமி மேனன் வெடிதான் இருக்கு!’’