‘‘ஒவ்வொரு வருஷமும் இந்தக் கடையிலதான் தீபாவளிக்கு பசங்களுக்கு வெடி வாங்கிக் கொடுப்பேன்... எந்த அசம்பாவிதமும் நடந்தது இல்லை!’’
‘‘அவ்வளவு நம்பிக்கையான கடையா..?’’
‘‘நீங்க வேற... ஒரு வெடியும் இதுவரை வெடிச்சது இல்லை!’’

‘‘உங்க வீட்டுல தினமும் பட்டாசு சத்தம் கேட்குதே... ஏன்?’’
‘‘தினமும் நடக்கற மாமியார் - மருமகள் சண்டையில, ஜெயிக்கற சைடு பட்டாசு வெடிப்பாங்க!’’

‘‘இந்த தீபாவளிக்கு உங்க மனைவியை பட்டுப் புடவை எடுக்க விடாம தடுத்திட்டீங்களா... எப்படி?’’
‘‘அவகிட்ட, ‘கரன்ட் இருக்கும்போது ஜவுளிக்கடைக்குப் போ’ன்னு சொல்லியிருந்தேன்!’’

‘‘குருவி வெடின்னு கேள்விப்பட்டிருக்கேன்... அது என்ன புதுசா காக்கா வெடி?’’
‘‘கடைக்காரரை காக்கா பிடிச்சு, ஓசியில வாங்கின வெடி!’’

‘‘தலைதீபாவளிக்கு என்ன கேட்டாலும் தர்றேன்னு மாப்பிள்ளைகிட்ட சொன்னது தப்பா போச்சு...’’
‘‘ஏன்?’’
‘‘இப்ப என்னோட ரெண்டாவது பெண்ணைக் கேட்கிறாரு..!’’

‘‘தீபாவளி அன்னைக்குத்தான் தலைவர் வீட்டுல நிம்மதியா இருப்பாரா... ஏன் அப்படி?’’
‘‘அவரோட மனைவி எவ்வளவு கத்தி திட்டினாலும், வெடிச் சத்தத்துல அவர் காதுல விழாதே!’’

ஸ்பீக்கரு...

‘‘இந்த தீபாவளிக்கு தலைவர் அவர்கள் நடிப்பில், மிகப் பிரமாண்டமான பொதுக்கூட்டம் கடற்கரையில்... விரைவில் எதிர்பாருங்கள்!’’