‘‘தீபாவளி சமயம்ங்கிறதால தலைவர் மேல உள்ள எதிர்ப்பை வித்தியாசமா காட்டறாங்களா... எப்படி?’’
‘‘செருப்புல பட்டாசு கட்டி வச்சு, அதைக் கொளுத்தி அவர் மேல வீசறாங்க!’’

‘‘தலைவர் புதுசா சஸ்பென்ஸ் வெடி வச்சுருக்காராமே...’’
‘‘ஆமா... அதை பத்த வச்சா எப்ப வெடிக்கும்னு யாருக்கும் தெரியாது!’’

என்னதான் கம்ப்யூட்டர் கீ போர்டுல ‘கேப்ஸ்’ இருந்தாலும், அதை தீபாவளித் துப்பாக்கில போட்டு வெடிக்க முடியாது!
- தத்துவ மேப்ஸில் கேப்ஸை தேடுவோர் சங்கம்

‘‘மப்புல இருந்த தலைவரை திருமண விழாவுல பேச விட்டிருக்கக் கூடாது...’’
‘‘ஏன்... என்ன உளறித் தொலைச்சார்?’’
‘‘இந்த வருடம் தலை தீபாவளி காணப் போகும் மணமகன், இன்னும் நிறைய தலை தீபாவளிகள் காண வாழ்த்துகிறேன்னு பேசிட்டார்!’’

‘‘அந்த ஜவுளிக்கடையில நீ திருடின பொருட்களோட மதிப்பு பத்து லட்சம் ரூபாய்னு சொல்றாங்க... நீ அஞ்சு லட்சம்தான்னு சொல்றே?’’
‘‘தீபாவளித் தள்ளுபடி 50 சதவீதம்னு அந்த ஜவுளிக்கடையில போட்டிருந்தாங்களே யுவர் ஆனர்!’’

‘‘நான் செஞ்ச ஸ்வீட்டை என்னாலயே சாப்பிட முடியலை... நீங்க எப்படி சாப்பிட்டீங்க?’’
‘‘குடிபோதையில ஊறுகாய்னு நினைச்சு அள்ளி மேஞ்சுட்டேன் செல்லம்மா..!’’

‘‘ஜெயிலுக்கு போயிட்டு வந்ததுல இருந்து தலைவர் ரொம்ப மாறிட்டார்...’’ ‘‘எப்படி..?’’ ‘‘தீபாவளியைக் கூட கைதிங்களோடதான் கொண்டாடுவேன்ங்கறார்..!’’