எவ்வளவு பெரிய வக்கீலா இருந்தாலும், நியூட்டன் ‘லா’வை வச்சு கோர்ட்டுல வாதாட முடியாது!
- மல்லாந்து படுத்துக்கொண்டு ‘லல்லலா’ பாடியபடி சிந்திப்போர் சங்கம்

‘‘2014ல் உலகம் அழியப்போகுதுன்னு தலைவர்கிட்ட சொன்னது தப்பா போச்சு...’’
‘‘ஏன்... என்ன செஞ்சார்?’’
‘‘கட்சியை இப்பவே கலைச்சிடலாம்ங்கறார்..!’’

‘‘புத்தகமா வெளியிட்டா ‘ராயல்டி’ கிடைக்குமான்னு தலைவர் கேட்கிறார்...’’
‘‘அவருடைய சுயசரிதையையா..?’’
‘‘இல்லீங்க... அவருக்குக் குடுத்த குற்றப் பத்திரிகையை..!’’

என்னதான் பாம்பு படமெடுத்தாலும், அது விநியோக உரிமையெல்லாம் கேட்காது!
- தயாரிப்பாளர் கிடைத்தால் ஓசியில் கால்ஷீட் கொடுக்கத் தயாராக இருப்போர் சங்கம்

‘‘இந்தப் புலவர்தான் நம் நாட்டிலே அதிக வயதானவராக இருப்பார்னு நினைக்கிறேன்...’’
‘‘எப்படிச் சொல்கிறீர்கள்..?’’
‘‘நமது மன்னரின் தாத்தா போர்க்களத்திலிருந்து ஓடி வந்ததைக் கூட பாடலாகப் பாடுகிறாரே..!’’

‘‘யோகா மாஸ்டர் வீட்ல ஏன் இவ்வளவு கூட்டம்..?’’
‘‘மாமியாரும் மரு மகளும் தலைகீழா நின்னபடி சண்டை போட்டுக்கறாங்க..!’’

என்னதான் நகைக்கடையில நாம ‘கேட்ட’ மாடல்ல ‘ரிங்’ தந்தாலும், அதையெல்லாம் ‘கேட்டரிங்’னு சொல்ல முடியாது.
- சமையல் செய்தபடியே, மனைவிக்கு மோதிரம் வாங்க சிந்திப்போர் சங்கம்