‘ரஜினி 12.12.12 சீக்ரெட்ஸ்!’ - ஒளிவுமறைவின்றி ரஜினியை ஒரு உயர்ந்த மனிதனாகக் காட்டியது. மேலும், ‘ரஜினி கெட்டப்ஸ்’, ‘பஞ்ச்!’ ஆகியவையும் இனித்தன. அன்றும் இன்றும் என்றும் சூப்பர்ஸ்டார் ரஜினி, ‘ரியலி’ சூப்பர்மேன்தான்!

மணிரத்னத்தின் ‘கடல்’ பற்றிய எதிர்பார்ப்புகளை, படம் பற்றிய First Look எகிற வைத்திருக்கிறது.
- எம்.சம்பத், கரூர்.
11 ஆண்டுகளாக ‘நகல் காந்தியாக’ ஊர் ஊராகச் சென்று காந்தியக் கொள்கைகளை பிரசாரம் செய்து வரும் மகேஷ் சதுர்வேதியும் ‘ஒரு தியாகி’தான் என்பதில் சந்தேகமில்லை.

‘பள்ளிக்கூடம் பக்கம் ஒதுங்காத ஒரு மனுஷன் வாழ்க்கையைத் தவிர வேறெதை எழுத முடியும்?’ - கொத்தனார் வேலை பார்த்துக் கொண்டே இலக்கியம் படைக்கும் புதுகை மணவாளனின் இந்த வார்த்தைகளில் ஆயிரம் தத்துவங்கள் பொதிந்துள்ளன.

‘செம்பருத்தி’யில் கதாநாயகியாக நடிகை ரோஜாவைக் கண்டுபிடித்த கதையை ஆர்.கே.செல்வமணி விவரித்த விதத்தைப் பார்க்கும்பொழுது... ஆங்கிலப் பட கார் சேஸிங் தோற்றது போங்கள்!

‘மானியங்களின் தேசம்’ அருமையான சர்ச்சை. உண்மையில் மானியங்கள் என்பது இந்தப் பக்கம் கொடுத்து அந்தப் பக்கம் பிடுங்கிக்கொள்ளும் நாடகம்தான் என்பதை கட்டுரை புரியவைத்துவிட்டது.

‘நிழல்கள் நடந்த பாதை’யில் பலரும் நெருங்க மறுக்கும் சர்ச்சைக்குரிய பக்கத்தை நெருங்கியிருக்கிறார் மனுஷ்ய புத்திரன். அடித்தல் என்ற ‘சகஜ நிகழ்வு’, இன்னும் பரவலாக விவாதிக்கப்பட வேண்டும்!

ஆல்தோட்ட பூபதியின் இந்த வார குட்டிச் செவுரு போஸ்டர் சிரிக்கவும் சிந்திக்கவும் வைத்தது. நாஞ்சில் சம்பத்தின் அரசியல் மாற்றம் பற்றிய அருமையான விமர்சனம்!

‘தமிழகத்தை வஞ்சிக்கிறதா மத்திய அரசு?’ கட்டுரை தமிழக மக்களின் மனக்குமுறலின் வெளிப்பாடாகவே இருந்தது. ‘மக்கள் பார்த்துக் கொண்டுதான் இருக்கிறார்கள்’ என்று கடைசியில் வைத்த
‘பஞ்ச்’, சபாஷ்!

‘காதல் போரடிக்காது’ என்ற கௌதம் மேனனின் வார்த்தைகள், கவிதை. சாதியத் தீயில் ஊரே தகித்துக் கிடக்கும் இந்தச் சமயத்தில் ‘நீதானே என் பொன்வசந்தம்’ குளிரும் தென்றலை வீசட்டும்!