‘‘தலைவர் ஏன் கடுப்பா இருக்கார்..?’’
‘‘வாசல்ல யாரோ ‘இன்றைய ஊழல், நாளைய புழல்’னு எழுதிப் போட்டிருக்காங்களாம்..!’’

‘‘அந்த சாமியார் எப்பவும் ‘கூகுள் எர்த்’தைப் பார்த்துக்கிட்டே இருக்காரே... ஏன்?’’
‘‘ஏதாவது பிரச்னைன்னா தலைமறைவாக இடம் பார்த்துட்டு இருப்பாராம்..!’’

‘‘தலைவர் புதுசா கூலிக் கழுதைப் படை ஒண்ணை உருவாக்கி இருக்காராமே...’’
‘‘ஆமா... காசு கொடுத்தா எதிர்க்கட்சி போஸ்டர்களை எல்லாம் கிழிச்சுத் தின்னுடுமாம்!’’

‘‘தலைவரே! மேடையில எவ்வளவு நேரம் பேசப் போறீங்க..?’’
‘‘ஒரு ஜோடி செருப்பு வந்து விழற வரைக்கும்...’’

‘‘கோர்ட் விசாரணையில தலைவரை ரொம்ப நேரம் பேசவிட்டது தப்பாப் போச்சா... ஏன்?’’
‘‘தலைவர் பேச்சைக் கேட்டதுல ஜட்ஜே தூங்கிட்டார்..!’’

‘‘புலவரே... என்ன எழுதி இருக்கிறீர்? ஒன்றையுமே படிக்க இயலவில்லையே!’’
‘‘அந்தப் பனை ஓலையில் இந்த ஃபான்டை பதிவிறக்கம் செய்து கொள்ளுங்கள் மன்னா. தெளிவாகப் படிக்க முடியும்!’’

‘‘உங்களைப் பார்க்கத்தான் வந்துக்கிட்டு இருக்கேன்...’’
‘‘அடடே, நானும் உங்களைப் பார்க்கத்தான் வந்துக்கிட்டு இருக்கேன்!’’
‘‘அப்ப உங்ககிட்டேயும் பணம் இல்லையா..?’’