‘‘மற்ற இடங்களைவிட உங்க தொகுதியிலே பொறம்போக்குங்க அதிகம் தலைவரே...’’
‘‘புரியும்படியா பேசுய்யா! நீ நிலத்தைச் சொல்றியா... இல்ல, ஆளுங்களைச் சொல்றியா?’’

‘‘தலைவர் நிறைய பாத யாத்திரை போயிருக்காரு...’’
‘‘அதுக்காக ‘பாத’ ரத்னா விருது கேட்கறது நல்லா இல்லை!’’

‘‘கூட்டத்துக்கு ஆயிரக்கணக்குல ஆட்கள் வந்தும் தலைவர் ஏன் கோபமா இருக்கிறார்..?’’
‘‘லட்சக்கணக்கான ஆட்களுக்கு இல்ல அட்வான்ஸ் குடுத்திருந்தாரு..!’’

‘‘சச்சினுக்கும் வயது நாற்பது... இங்கே எம்.பி தொகுதிகளும் நாற்பது...’’
‘‘நீங்க வாங்கி வச்சிருக்கற குற்றப் பத்திரிகைகளும் நாற்பது தலைவரே..!’’

‘‘தலைவர் ஏன் கடுப்பா இருக்கார்..?’’
‘‘அவர் மேடையில பேசிக்கிட்டிருக்கும்போது, மகளிரணித் தலைவி அழகைப் புகழ்ந்து பேசும்படி தொண்டர்கள் துண்டுச்சீட்டு அனுப்பினாங்களாம்..!’’

‘‘இருந்தாலும் தலைவருக்கு
பயம் ரொம்ப ஜாஸ்தி...’’
‘‘ஏன்... என்ன செய்தார்?’’
‘‘குண்டு பட்டா உடம்பைத் துளைக்காத புல்லட் புரூஃப் கோட் இருக்கிற மாதிரி, கல் வீசினா அடிபடாத மாதிரி கோட் ஏதாவது
இருக்கான்னு கேக்கிறார்!’’

‘‘தலைவர் அரசியல்ல காய் நகர்த்த ஆரம்பிச்சிட்டாருன்னு எப்படிச் சொல்றீங்க..?’’
‘‘அடிக்கடி கோயம்பேடு மார்க்கெட்டுக்குப் போய் வர்றாரே..!’’