டெக்னாலஜி நம் வாழ்வை எளிதாக்கினாலும் பாதுகாப்பை கேள்விக்குறியாக்கிவிடும் என்பதை ‘ஹைப்பர்லூப்’ பற்றிய கட்டுரை தெளிவுபடுத்திவிட்டது. மொத்தத்தில், ‘டெக்னாலஜி ஸ்பெஷல்’ சூப்பர்!

‘ரசிக்க என்கிட்ட என்ன இருக்குன்னு புரியலை’ என வெள்ளந்தியாக விளிக்கும் குழந்தை மனசு ஷகீலாவையா கொச்சைப்படுத்தி படமெடுத்திருக்கிறார்கள்? அந்தக் கிராதகர்கள் ஒழிக!

அட்ரா சக்கை... ‘கவர்ச்சி பாம்’ நமீதாவுக்கு குமரி மாவட்ட ‘மச்சான்ஸ்’ சிலை வைக்கப் போறாங்களா? கல்லுக்குள் ஒரு கட்டை என இதை வர்ணிக்கலாமா?

வெங்காய விலை உயர்வு பின்னணியில் இவ்வளவு அதிரடி சம்பவங்களா? படிக்கப் படிக்க என்னையும் அறியாமல் ஆவேசப்பட்டேன்!

‘சரித்திர நாயகன் சந்திரபாபு’ பற்றிய கட்டுரை, இளைய தலைமுறையினருக்கு ஓர் ஊக்க மருந்து. தற்கொலை வழக்கில் நீதிபதிக்கு சந்திரபாபு அளித்த பதில்கள் கண்களைக் குளமாக்கின.

‘கலகல ஸ்பெஷல்’ புத்தகம் மனதில் மத்தாப்பாக பூத்தது! ஆல்தோட்ட பூபதி அள்ளித் தந்த ‘அன்றும் இன்றும்’ அனைத்தும் நன்று. ஐம்பதாண்டு கலாசார மாற்றத்தை அச்சுப் பிசகாமல் சொன்ன விதம் அருமை.

இரண்டு வருடங்கள் வீட்டில் உட்கார்ந்து விட்ட சூழ்நிலையின் வருத்தங்கள் வடிவேலுவின் ஆழ்மனதில் இன்னமும் இருப்பதை பேட்டியில் உணர முடிந்தது. நல்ல காமெடி நடிகரை காலம் கைவிட்டு விடாது.

பல்லைப் பயன்படுத்தி பார்வையை மீட்டுத் தரும் மருத்துவப் புரட்சி மகத்தானது! ‘பல் போனா... சொல் போச்சு...’ என்பார்கள். ஆனால் இனி ‘பல் போனா.... பார்வை வந்துச்சு’ என மாற்ற வேண்டும் போலிருக்கிறது!

அஜித்-ஆர்யா... ஒரு மாஸ் ஹீரோ, ஒரு ‘பாஸ்’ ஹீரோ... இவர்களின் கூட்டணியில் விஷ்ணுவர்த்தன் இயக்கும் ‘ஆரம்பம்’, ரசிகர்களின் குதூகலம், கொண்டாட்டம் அனைத்தையும் ஆரம்பித்து வைக்கட்டும்!

கைப்பேசி மூலமே மாணவர்களுக்குப் பாடம் நடத்தும் ஆசிரியர் திலீப்பின் முயற்சி அசத்தல். எல்லா அரசு ஆசிரியர்களும் இவரைப் போலிருந்தால் மாணவர்களுக்கு கல்வியும் ஒரு பள்ளித் தோழனாகி விடும்!

‘நிழல்களோடு பேசுவோம்’ பகுதியில் ‘சைக்கிளிங்’கின் அவசியத்தை மனுஷ்ய புத்திரன் விளக்கிய விதம், ‘இந்த சின்ன விஷயத்திலாவது மேல் நாடுகளை நாம் ஒழுங்காகக் காப்பியடிப்போமா..?’ என்று ஏங்க வைத்தது.