சினிமா நட்சத்திரங்கள் ஒவ்வொருவருக்கும் விசித்திரமான பழக்கம் இருக்கிறது. உள்ளூர், வெளியூர், வெளிநாடு என ஷூட்டிங்கிற்காக தினமும் பறந்து கொண்டிருக்கின்றனர். கிடைக்கும் ஓய்வு நேரங்களில், தங்களுக்குப் பிடித்த பொருட்களை வாங்கி வந்து ரசிக்கின்றனர். அந்த கலெக்ஷனைப் பற்றிய தொகுப்பு இங்கே...

தனுஷ்: விதவிதமான வினாயகர் சிலைகளை சேகரிக்கிறார். இதுவரை சேர்த்து வைத்துள்ள சிலைகளின் எண்ணிக்கை நூறுக்கு மேலிருக்கும். அவற்றை வெளியாட்களுக்கு காண்பிப்பதில்லை. ஆன்மீகத்தில் நாட்டம் என்பதால், வினாயகரிடம் வேண்டிக்கொண்ட பிறகுதான் ஷூட்டிங்கிற்கு புறப்படுவார். ஜெய்: வெளிநாட்டு மது மற்றும் ஒயின் வகைகளை வாங்கி வைத்துள்ளார். இருநூறுக்கும் மேற்பட்ட வித்தியாசமான பாட்டில்கள் வீட்டு அலமாரியை அலங்கரிக்கின்றன. உயர்தரம் மற்றும் விலையுயர்ந்த ஒயின் வகைகளும் உண்டு.

ஹன்சிகா: ஹேண்ட் பேக் மற்றும் செருப்பு சேகரிப்பதில் அதிக ஈடுபாடு. வீட்டிலுள்ள படுக்கை அறையில் கண்டிப்பாக ஒரு சாக்லெட் இருந்தாக வேண்டும். உறங்கும் முன் சாக்லெட் சாப்பிடுவார். எந்த நாட்டில் விசேஷ சாக்லெட் தயாரித்தாலும், உடனே இறக்குமதி செய்துவிடுவார். தன்ஷிகா: வித்தியாசமான டிசைனில் தயாராகும் மாடர்ன் உடைகளை சேகரிக்கிறார். சில படங்களில் சொந்த உடைகள் அணிந்து நடித்துள்ளார். புடவை பிடிக்கும் என்பதால், வெளிப்புற படப்பிடிப்புக்குச் சென்றால், அங்கு பிரபலமாக இருக்கும் டிசைனில் புடவைகள் வாங்கி வருவார்.

அனுஷ்கா: உடற்பயிற்சி சம்பந்தமான பொருட்கள் வாங்குவதிலும், சேகரிப்பதிலும் அதிக ஈடுபாடு காட்டுவார். மேலும், உடல் நலத்தைப் பேணும் எக்சர்சைஸ்கள் குறித்து லெக்சர் அடிப்பதற்காக, புத்தகங்கள் வாங்கி வைத்துள்ளார். உலகில் அன்றாடம் நடக்கும் முக்கிய சம்பவங்கள் குறித்த புகைப்படங்களை சேகரிப்பது பொழுதுபோக்கு. லட்சுமி ராய்: புதுப்புது டிசைனில் செருப்பு மற்றும் மேக்கப் சாதனங்கள் வாங்கிக் குவிப்பார். எந்த நாட்டுக்குச் சென்றாலும், அங்குள்ள அதிநவீன மேக்கப் பொருட்கள் வாங்குவார். தோழிகள் யாருக்காவது மேக்கப் அலர்ஜி ஏற்பட்டால், தனது மேக்கப் பொருட்களை பரிசளிப்பார்.

சமந்தா: ஆங்கில காமிக்ஸ் புத்தகங்கள் மற்றும் தத்துவ நூல்கள் சேகரிப்பதில் அதிக ஈடுபாடு உண்டு. முக்கியமான ‘பாப்’ ஆல்பங்களின் கலெக்ஷனை வைத்துள்ளார்.
த்ரிஷா: ஏ.ஆர்.ரகுமானின் தீவிர ரசிகை என்பதால், அவர் இசையமைத்த படங்களின் பாடல் சி.டி மற்றும் ஆல்பங்கள் சேகரிப்பதில் நேரத்தை செல விடுவார். லேட்டஸ்ட் கேம்கள் எதுவோ அதெல்லாம் இவரது செல்போனில் இருக்கும்.

விவேக்: இளையராஜாவின் பாடல்களுக்கு வெறித்தனமான ரசிகர். அவரது பாடல்களை சேகரித்து வைத்துள்ளார். மேலும், அவர் எழுதிய புத்தகங்களையும், அப்துல் கலாம் உள்பட பல வி.வி.ஐ.பிகள் பரிசளித்த நூல்களையும் சேர்த்து தன் அலுவலகத்தை மினி நூலகமாகவே மாற்றிவிட்டார். பாலா: காசியில் ஷூட்டிங் நடந்தபோது, ரசிகர் பரிசளித்த கபால மாலை மற்றும் ஸ்படிக மாலையை பத்திரமாக வைத்துள்ளார். தன் குருநாதர் பாலுமகேந்திரா எழுத பயன்படுத்திய ஸ்கிரிப்ட் பேட் ஒன்றும் வைத்திருக்கிறார்.

விஜய்: எந்த புது மாடல் கார் வந்தாலும், முதலில் வாங்கி விடுவார். என்றாலும், தான் பயன்படுத்தும் பைக்கை மட்டும் விற்காமல் வைத்திருக்கிறார். சின்ன வயதில் பயன்படுத்திய விளையாட்டு பொம்மைகளை மகனுக்கும், மகளுக்கும் கொடுத்துவிட்டார். மணிரத்னம்: விதவிதமான கடிகாரங்கள் சேகரிப்பார் என்றாலும், கையில் வாட்ச் அணிய மாட்டார். இடுப்பில் ஒரு கடிகாரத்தை மாட்டியிருப்பார். அதில்தான் நேரம் பார்ப்பார். உலகின் தலைசிறந்த படங்களின் டி.வி.டிகளை வைத்திருக்கிறார்.

சினேகா: நூற்றுக்கும் மேற்பட்ட பட்டுப் புடவைகளையும், மாடர்ன் உடைகளையும் பீரோவில் வைத்துள்ளார். தரமான லிப்ஸ்டிக் மற்றும் மேக்கப் சாதனங்கள் வாங்கிக் குவிப்பார்.
நயன்தாரா: வாஸ்து பொம்மைகள் வைத்துள்ளார். எந்த நாட்டுக்கு ஷூட்டிங் சென்றாலும், அங்குள்ள மண்ணை ஒரு பாட்டிலில் அடைத்துக் கொண்டு வருவார். ஜாதகத்தில் அதிக நம்பிக்கை இருப்பதால், அது சம்பந்தமான புத்தகங்களையும் பத்திரப்படுத்தி வைத்துள்ளார்.