கடந்த வாரம் தக்காளி விலை கடுமையாக உயர்ந்து கிலோ 180 ரூபாய் வரை சென்று பொதுமக்களை மிகுந்த சிரமத்திற்கு ஆளாக்கியது. ஆப்பிள் விலைக்கு நிகராக உயர்ந்ததால் தக்காளியை ஆப்பிளுடன் ஒப்பிட்டு மீம்ஸ்கள் போட்டு கலாய்த்தனர் நெட்டிசன்கள்.

பிறகு, படிப்படியாக குறைந்த தக்காளி விலை கிலோ 40 ரூபாய் வரை வந்து இப்போது மீண்டும் சிறிய விலையேற்றம் கண்டுள்ளது. கடும் மழை காரணமாக வரத்து குறைவு என இதற்குக் காரணம் சொல்லப்படுகிறது. மழைக்காலம் முடியும் வரை தக்காளி உள்ளிட்ட காய்கறிகளின் விலை ஏறி இறங்கும் என்கின்றனர் வியாபாரிகள்.

பொதுவாக தக்காளி, வெங்காயம், துவரம்பருப்பு, எண்ணெய் போன்ற அன்றாட சமையலில் நாம் தினமும் பயன்படுத்துகிற அத்தியாவசியப் பொருட்களின் விலைதான் எப்போதும் விலையேற்றத்தைச் சந்திக்கிறது. கடந்த சில ஆண்டுகளுக்கு முன்பு வெங்காயமும், துவரம்பருப்பும் கிலோ 200 ரூபாயைத் தொட்டது நினைவிருக்கலாம்.

சில சமயங்களில் உருளைக்கிழங்கு உள்ளிட்ட காய்கறிகளின் விலைகளும் உயர்வதை பார்க்கிறோம். இப்போது தக்காளி.இது ஒருபுறம். இன்னொருபுறம் தக்காளியின் விளைச்சல் அதிகமாகி விலை குறைவால் சாலைகளில் கொட்டுவதும் ஒவ்வொரு ஆண்டும் வாடிக்கையாகி வருகிறது.

‘‘தமிழ்நாட்டுல தக்காளி சாகுபடி ரொம்ப குறைவா பண்றாங்க. தென்மாவட்டங்களுக்குப் பிறகு கிருஷ்ணகிரி, ஓசூர் பக்கம் தக்காளி உற்பத்தி இருக்கு. அப்புறம், ஆந்திரா, கர்நாடகா மாநிலங்கள்ல அதிக சாகுபடி பண்றாங்க. சென்னைக்கு ஆந்திரா, கர்நாடகாவுல இருந்தே தக்காளி அதிகம் வருது.

இதுதவிர, மற்ற காய்கறிகளையும் அங்க அதிகம் சாகுபடி பண்றதால அங்கிருந்தே பல்வேறு காய்கறிகளைத் தருவிக்கிறோம்.இந்தமுறை தொடர் மழை காரணமா ஐம்பது சதவீதம் ஆந்திராவில் மூழ்கிப் போச்சு. இதனால, வரத்து தாமதமாகி தக்காளி விலையேற்றம் ஆகிடுச்சு. இப்ப மத்தியப் பிரதேசத்துல இருந்து கொண்டு வந்திருக்கோம். அதனால, விலை குறைஞ்சிருக்கு.

அங்கதான் கமிஷன்மண்டி உருவாகுது. அவங்க அன்றைய தேதிக்கு என்ன விலை வச்சு விற்கலாம்னு கடை வியாபாரிகளை கேட்பாங்க. விலை நிர்ணயத்தை நாங்க செய்வோம். அப்ப விலைவாசியும் நார்மலா இருந்தது. மக்களுக்கு பொருளும் சிறந்த தரத்துல வாங்குற விலையில் கொடுத்தோம். இப்படி நடந்த மார்க்கெட், ஆன்லைன் பிசினஸ் வந்ததும் மாறிப்போச்சு.

இப்ப ஏகப்பட்ட குடோன்கள் இருக்கு. இதையும் அரசு கண்காணிக்கணும். மளிகைப் பொருட்கள் விலை ஏற்றத்துக்கும் பொருட்களை பதுக்கி வச்சு விலையைக் கூட்டுறதுதான் காரணம். இதையும் தடுக்கணும்...’’ என்கிறார் முத்துக்குமார். இதை ஆமோதித்தபடியே தொடர்ந்தார் வேளாண் தகவல்தொடர்பு தொழில்நுட்ப வல்லுநரும், விவசாயியுமான திருச்செல்வம்.

அப்படியான ஒரு தகவல் அமைப்பு நம்மகிட்ட இல்ல.இப்ப நடந்த நிகழ்வு என்னனா... ஒண்ணு வறட்சி வந்து உற்பத்தி குறைஞ்சு தக்காளி விலை அதிகரிப்பது. அடுத்து, நீர் அதிகமாகி அழுகிப்போய் கொண்டு வரமுடியாமல் விலை அதிகரிப்பது. இந்தமுறை மழையால் விளைந்ததைக் கொண்டுவரமுடியல.

அப்ப ரெண்டு நிகழ்வின் தகவல்களும் நேரடியா அரசுக்குப் போனா, எந்தெந்த இடத்துல இருந்து வருகிற தக்காளி வராமல் போச்சு என்கிற தகவல்கள் எளிதா கிடைக்கும். இந்தந்த இடங்கள்ல மழையினால் தக்காளி வராது. இப்ப காலநிலை இப்படியிருக்குனா எவ்வளவு பற்றாக்குறையாகும். இதையெல்லாம் பார்த்திட்டா மழையில்லாத பகுதியில் இருந்து தக்காளியை வரவழைக்கலாம்.

அடுத்து, எப்போதும் இது மழைக்காலத்துல தொடர் நிகழ்வா இருக்கிறதால அத்தியாவசிய காய்கறிகளை அரசாங்கத்தின் கட்டுப்பாட்டில் உள்ள குளிர்பதன கிடங்கில் வச்சிட்டே இருக்கணும்.

ஆனா, இங்க இடைத்தரகரை நம்பிதான் எல்லாமே நடக்குது. அரசே நேரடியா அந்த விளைபொருளை வெளியே கொண்டு வந்தால் இடைத்தரகர்கள் மூக்கை உள்ளே நுழைக்க முடியாது.

ஒரு விவசாயியை நஷ்டப்பட வச்சு அவர் சாலைகளில் தக்காளியைக் கொட்டுறப்ப அவரால் வங்கிக் கடனையும் கட்டமுடியாமல் போகுது. அந்த வங்கிக் கடன் அரசாங்கம் தருவதுதான். அதேநேரம், விலையேற்றம்னு வரும்போதும் நுகர்வோர் பாதிக்கப்படறாங்க. அதுவும் அரசைத்தான் பாதிக்கும். இதனை சரியா செய்யணும்னா அரசுக்கும், விவசாயிக்கும் நேரடி தொடர்பு இருக்கணும்.

ஊருக்கு ஒரு விவசாய மேலாண்மை மையம் அரசு ஆரம்பிக்கணும். விவசாயிகளின் சாகுபடி தொடர்பான விவரங்களை சேகரிக்கணும். அப்ப அந்த ஊரிலுள்ள விளைபொருட்களின் தகவல்களை அரசு தெரிஞ்சுக்கலாம். இந்த ஏரியாவுல தக்காளி யார் போட்டிருக்கானு தெரிய வரும். தவிர, அவர் யார்கிட்ட தக்காளியை விற்றார் என்பதும் தெரிய வந்திடும்.