வித்தியாசமான கதைக்களம் என்றாலே நடிகர் வெற்றியின் நினைவு வரும். ‘8 தோட்டாக்கள்’, ‘ஜிவி’ தொடங்கி இவருடைய பயணம் எப்போதுமே தனித்துவம்தான். இதோ தற்போது ‘என்கவுன்டர்’ படம் மூலம் மற்றுமொரு வித்தியாசமான போலீஸ் கதைக் களத்துடன் தயாராக இருக்கிறார்.‘‘என்கவுன்டர் செய்யும் காவல்துறையினரை பெரும்பாலும் சமூகம் ஏற்றுக் கொள்வதில்லை. 

அவர்களை கொடூர மனிதர்களாகத்தான் காவல்துறையே சித்தரிக்கும். அப்படிப்பட்ட ஒரு என்கவுன்டர் ஸ்பெஷலிஸ்ட்டை சுற்றி நிகழும் கதையும், அதனால் அவர் அனுபவிக்கும் சமூக இடையூறுகளும்தான் கதைக்களம்...’’ என உற்சாகமாக பேசத் துவங்கினார் இயக்குநர் ஹாரூன்.

‘‘நட்டி சார் கூட ‘வெப்’, சோனியா அகர்வால் மேடம் கூட ‘7ஜி’ படங்களைத் தொடர்ந்து இப்ப இந்த ‘என்கவுன்டர்’ படம். சினிமா ஆசை... ஆனால், எப்படி, எங்கே ஆரம்பிக்கணும்னு தெரியாம வந்தவன் இப்ப மூணாவது படம் செய்கிறேன்.

சந்தோஷமா இருக்கு.வெற்றியைப் பொருத்தவரை அவருக்கு கதைதான் ஹீரோ. நல்ல கதை என்றால் உடனே ஓகே சொல்வார். அவரைத் தொடர்ந்து சாந்தினி தமிழரசன் ரொம்ப முக்கியமான ஒரு கேரக்டர் செய்திருக்காங்க. ரொம்பவே நல்ல நடிகை. ஆனாலும் அவங்களுக்கான பெரிய இடம் இன்னும் கிடைக்கலைனுதான் சொல்லுவேன்.

இந்தப் பிரச்னையை மையமா வச்சுதான் இந்தத் திரைப்படத்தை உருவாக்கியிருக்கோம். இதற்கிடையிலும் ஒரு க்ரைம் திரில்லர் கதை உங்களை சுவாரசியமாக்கும். ஒருசில உண்மையான போலீஸ் அதிகாரிகள்கிட்ட கூட இதற்காக டிஸ்கஷன் செய்திருக்கேன்.

 நிச்சயம் குற்றவாளிகளை தண்டிக்கும் ஒவ்வொரு காவல்துறையினர் மீதும் இந்தப் படத்திற்குப் பிறகு ஒரு நல்ல அபிப்ராயம் வரும். அதேசமயம் எதையும் தீர விசாரித்துதான் முடிவு செய்ய வேண்டும் என்கிற கருத்தும் ஆழமா இந்தப் படத்தில் இருக்கும்.