கண்களில் காஜல் கூட போடாமல் ஈர்க்கும் கண்ணழகி, இயல்பான அழகு, மென் புன்னகை... என தனித்துவமான பாதையில் பயணிக்கிறார் சிவாத்மிகா ராஜசேகர். கிராமத்துப் பாவாடை தாவணி கேர்ள் நெக்ஸ்ட் டோர் என்றாலும் பொருந்திப் போகிறார். 

நகரத்து சல்வார் நெக்ஸ்ட் டோர் என்றாலும் கச்சிதமாக அடாப்ட் ஆகிறார். இணையத்தில் ட்ரெண்டிங்கில் உள்ள ரொமான்டிக் ரீல்ஸ் என பட்டியலிட்டால் நிச்சயம் அதில் சிவாத்மிகா ராஜசேகர் பாடல்களும் காட்சிகளும் தனி அந்தஸ்து பெறும். ‘பாம்’ படத்தைத் தொடர்ந்து ‘ஆரோமலே’ என 2025 லக்கி வருடமாகவும் அவருக்கு மாறி இருக்கிறது.

வாரா வாரம் பட ரிலீஸ் வழியா சந்திக்கணும்னு ஆசைப்படறேன். இன்னும் நிறைய கதைகள்ல நடிக்கணும். கரியர் கொஞ்சம் வேகமா நகர ஆரம்பிச்ச மாதிரி இருக்கு. 2022ல்தான் தமிழில் எனக்கு ‘நித்தம் ஒரு வானம்’ படம் வெளியானது. அப்புறம் இப்பதான் ‘பாம்’ படமும், ‘ஆரோமலே’ படமும் நடிச்சிருக்கேன். 

இடையில் தெலுங்கில் படங்கள் செய்தேன். ஆனா, மூணு வருஷங்களுக்கு முந்தைய ‘நித்தம் ஒரு வானம்’ படத்தின் பாட்டு இப்ப வரை ட்ரெண்டிங்ல இருக்கு. வேற காதல் பாடல்கள் ஹிட்டானாலும் அதில் நானும், அசோக் செல்வனும் நடிச்ச சீன்களை சேர்த்து ரீல்ஸ் வருது!