‘‘மன்னா! தாங்கள் மகாராணியின் ஆடைகளைத் துவைக்கின்ற ரகசியம் வெளியே தெரிந்து விட்டது...’’
‘‘அதனால் என்ன அமைச்சரே..?’’
‘‘தங்களை வைத்து விளம்பரப் படம் எடுக்க சோப்புக் கம்பெனிக்காரர்கள் வந்திருக்கிறார்கள்..!’’

‘‘மந்திரியாரே... நம் நாட்டில் டெங்கு காய்ச்சல் பரவுவதாக புரளியைக் கிளப்பி விடுங்கள்...’’
‘‘ஏன் மன்னா..?’’
‘‘எதிரி மன்னன் அதற்காவது பயப்படுகிறானா என்று பார்ப்போம்..!’’

‘ரெகுலர் கோர்ஸ்’ல சேர்ந்து படிக்கலாம்; ‘பார்ட் டைம் கோர்ஸ்’ல சேர்ந்து படிக்கலாம்; ‘கரஸ்பான்டென்ஸ் கோர்ஸ்’ல கூட சேர்ந்து படிக்கலாம். ஆனா, ‘ரேஸ்கோர்ஸ்’ல சேர்ந்து படிக்க முடியுமா?

என்னதான் நீங்க வளர்க்கிறது ‘நாட்டுக்கோழி’யா இருந்தாலும், அதுவும் ‘கொக்கரக்கோ’ன்னுதான் கூவும்... அது மட்டும் என்ன ‘ஜெய் ஹிந்த்’னா கூவப்போகுது?
- சேவல்களுக்குள் சண்டை இழுத்துவிடுவோர் சங்கம்

‘‘கஷ்டப்பட்டு மேல வந்திருக்கேன்னு சொல்றாரே நம்ம தலைவர்... சின்ன வயசுல ரொம்ப கஷ்டப்பட்டாரா?’’
‘‘ம்ஹும்... லிஃப்ட் வேலை செய்யாததால, மூச்சு வாங்க அஞ்சு மாடி ஏறி வந்ததைச் சொல்றார்!’’


‘‘பொண்ணு பார்த்துட்டுப் போன மாப்பிள்ளை வீட்டுக்காரங்க சரியான அல்பம் போலிருக்கு...’’
‘‘ஏன்?’’
‘‘பொண்ணு பிடிச்சிருந்தா வீட்டுக்குப் போய் மிஸ்டு கால் கொடுக்கறேன்னு சொல்றாங்க!’’

‘‘தலைவருக்கு இவ்வளவு பொன்னாடைகள் வந்து குவியுதே... என்ன விஷயம்?’’
‘‘பொன்னாடை போர்த்தறவங்களை குலுக்கல் முறையில் தேர்ந்தெடுத்து கலர் டிவி, வாஷிங் மெஷின், ஃபிரிட்ஜ் எல்லாம் தரப்போறாராம்..!’’