‘‘தலைவரோட தற்பெருமைக்கு அளவில்லாமப் போச்சா... ஏன்?’’
‘‘வரலாற்றிலேயே மிகக் குறைந்த மணித்துளிகள் அமைச்சராக இருந்தது நான்தான்ங்கறாரே..!’’

என்னதான் கரண்டி விற்பவர் கரண்டி உடையாதுன்னு கேரண்டி கொடுத்தாலும், அதைக் கரண்டின்னுதான் சொல்லணும்; கேரண்டின்னு சொல்ல முடியாது.
- வாரண்டி இருக்கும் பொருளை மட்டும் வாங்குவோர் சங்கம்

எவ்வளவு பெரிய ஆக்சிடென்ட் நடந்தாலும், அதை வி‘பத்து’ன்னுதான் சொல்லுவாங்களே தவிர, வி‘நூறு’, வி‘லட்சம்’, வி‘கோடி’ன்னு எல்லாம் சொல்ல மாட்டாங்க!
- தத்துவக் காரில் ஈ.சி.ஆர் ரோட்டில் டாப் கியரில் பறப்போர் சங்கம்

‘‘தலைவர் தன் வாய்ல இருந்து கட்சி உறுப்பினர் கார்டு எடுத்தாராமே... எப்படி?’’
‘‘ஜெயில்ல இருந்தப்போ, யாரோ ஒரு சாமியார் கத்துக் குடுத்திருக்கார்..!’’

‘‘கம்ப்யூட்டர் கிளாஸ்ல நம்ம தலைவர் மானத்தை வாங்கிட்டாரா... எப்படி?’’
‘‘யூ டியூப்பிற்கு எப்படி பஞ்சர் போடறதுன்னு கேட்டுத் தொலைச்சுட்டார்..!’’

‘‘மாப்பிள்ளை பசையுள்ள இடம்னு சொல்லி ஏமாத்திட்டாங்க...’’
‘‘ஏன்... அவர் என்ன பண்றாரு?’’
‘‘சுவத்திலே போஸ்டர் ஒட்டற வேலை பார்க்கறாரு!’’

‘‘அவர் ரொம்ப ஸ்ட்ரிக்டான டாக்டர்னு எதை வச்சு சொல்றே..?’’
‘‘பிறந்ததுக்கு அப்புறம்கூட ‘குழந்தை ஆணா, பெண்ணா’ன்னு சொல்ல மாட்டேங்கறார்..!’’