‘‘எதுக்கு மேடம் வீட்ல இருந்து பீரோவை எடுத்துக்கிட்டு ஜவுளிக்கடைக்கு வந்திருக்கீங்க..?’’
‘‘என்கிட்ட இல்லாத கலரா பார்த்து எடுக்கணும்... அதான்!’’

‘‘என்ன இது... தீபாவளிக்கு அனைத்துக் கட்சி மகளிரணித் தலைவிகளை மட்டும் தலைவர் கூப்பிட்டிருக்காரு..?’’
‘‘சமத்துவ தீபாவளி கொண்டாடப் போறாராம்..!’’

‘‘பாம்பு மாத்திரை பாக்கெட்டுக்குள்ள ஏதோ பிரிஸ்கிரிப்ஷன் மாதிரி இருக்குதே..?’’
‘‘சாப்பாட்டுக்கு முன்னாடி பத்த வைக்க வேண்டிய மாத்திரை எது, சாப்பிட்ட பிறகு பத்த வைக்க வேண்டியது எதுன்னு அதுல எழுதியிருக்கும் சார்!’’

‘‘தலை தீபாவளிக்கு மாமனார் வீட்டுக்குப் போன நம்ம தலைவர், ஏன் கோவிச்சுக்கிட்டு வந்துட்டார்..?’’
‘‘அவரை வரவேற்று ஒரு போஸ்டர் கூட ஒட்டலையாம்..!’’

‘‘பயப்படாதீங்க... லட்டுதான்! ஒரு சேஞ்சுக்கு இப்படி திரி வச்சு பாம் மாதிரி பண்ணியிருக்கேன்...’’

‘‘இந்த வருஷம் நம்ம தலைவர் பேர்ல ஒரு சரவெடி அறிமுகம் ஆகியிருக்காமே... அதுல என்ன விசேஷம்?’’
‘‘வெடிச்சு சிதறுற பேப்பர்கள்ல தலைவரோட ‘குற்றப்பத்திரிகை’யை படிக்கலாமாம்..!’’

‘‘ஏட்டய்யா என்ன குஷியா இருக்கார்..?’’
‘‘கபாலி வழக்கமா தர்ற மாச மாமூலோட, தீபாவளி போனஸ் மாமூலும் கொடுத்தானாம்..!’’