‘‘புலவர் மீது மன்னர் ஏக கடுப்பில் இருக்கிறாராமே... என்ன காரணம்?’’
‘‘மன்னர் பட்டாசுக்கு நெருப்பு வைக்கப் போகும்போது, ‘ஒரு ஊசியே ஒரு ஊசி வெடிக்கு நெருப்பு வைக்கிறதே... அடடே, ஆச்சர்யக்குறி!’ என்று சொன்னாராம்...’’

‘‘வீட்டுக்குப் போற வழியில அப்படியே கோயிலுக்குப் போயிட்டு போயிடுவோம்ங்க...
‘‘ஏன் மாலா..?’’
‘‘சேலை நல்லபடியா செலக்ட் ஆனா, உங்க தலைல 10 தேங்கா உடைக்கிறதா வேண்டியிருக்கேன்..!’’

‘‘அந்தக் கள்ள நோட்டு கும்பல் எப்படி போலீஸ்ல மாட்டிக்கிச்சி..?’’
‘‘நோட்டுல ‘தீபாவளி வாழ்த்துக்கள்’னு சேர்த்து அடிச்சிருக்காங்க..!’’

‘‘பெண்களைக் கவர்ற மாதிரி கூட்டத்துல பேசுங்கன்னு தலைவர்கிட்ட சொன்னது தப்பாப் போச்சா..?’’
‘‘ஆமா... தீபாவளி பலகாரங்கள் செய்வது எப்படின்னு சொல்லிக்கிட்டு இருக்காரு!’’

என்னதான் லேட்டஸ்ட் டெக்னாலஜி பட்டாசா இருந்தாலும், அதுலயும் ‘திரி’தான் இருக்கும். ஃபோர், ஃபைவ் எல்லாம் இருக்காது!
- திரி கிள்ளுவதற்கே கவுன்ட் டவுன் சொல்வோர் சங்கம்

என்னதான் பட்டாசு ஆலை நிலமா இருந்தாலும், அதுக்கும் ‘பட்டா’தான் வாங்க முடியும்; ‘பட்டாசு’ வாங்க முடியாது.
- இலவச பட்டாவுக்காக காத்திருப்போர்

‘‘ஏன் தீபாவளி முடிஞ்சு ஒரு வாரம் ஆனப்புறம் ஜோரா பட்டாசு வெடிக்கறீங்க..?’’
‘‘என் மாப்பிள்ளை ஊருக்குக் கிளம்பிட்டார்..!’’