‘‘உங்க கடையில வாங்கின பட்டாசுகளை பத்த வச்சா, எல்லாம் தனித்தனியா போய் வெடிக்குதே... ஏன்?’’
‘‘அது கூட்டணி பட்டாசுங்க...’’

‘‘தலைவருக்கு போதை ஏறிப் போச்சு..!’’
‘‘எதை வச்சு சொல்றே..?’’
‘‘நாங்கள் ஆட்சிக்கு வந்தால் மக்களுக்கு ‘விலையில்லா’ பட்டாசு    கொடுப்போம்ங்கறாரே..!’’

தீபாவளி செலவு தாங்காம மொட்டை அடிச்சுக்கறவர், தன் தலைக்கு ‘கேப்’ வச்சுக்கலாம்; ‘கேப் பட்டாசை’ வச்சுக்க முடியுமா?
- வெடிக்கிற ‘கேப்’பில் ‘எஸ்கேப்’ ஆவோர் சங்கம்

‘‘தலைவர் ஒவ்வொரு வருஷமும் தீபாவளியை ஜெயிலுக்குப் போய் கைதிகளுக்கு ஸ்வீட் எல்லாம் கொடுத்து கொண்டாடுவார்...’’
‘‘இந்த வருஷம்..?’’
‘‘கைதியாவே ஜெயில்ல இருந்து கொண்டாடறார்!’’

‘‘தீபாவளிக்கு முதல் நாளே ஓவரா குடிக்காதீங்கன்னா தலைவர் கேட்டாரா..?’’
‘‘ஏன்... இப்ப என்னாச்சு..?’’
‘‘போதையில ஒரு வாரமா தூங்கிக்கிட்டு இருந்தவர், இப்ப எழுந்து ‘நாளைக்குத்தானே தீபாவளி’ன்னு கேக்கறார்..!’’

‘‘இந்த தீபாவளிக்கு கபாலி அசத்திட்டானாமே...’’
‘‘என்ன செய்தான் ஏட்டய்யா..?’’
‘‘யார் யாருக்கு எந்த ரகப் பட்டாசு வேணும்னு எல்லா போலீஸ்கிட்டயும் ‘விருப்ப மனு’ வாங்கி... அதன்படி கொடுத்தானே!’’

‘‘தீபாவளிக்கு நான் என்னோட அம்மா வீட்டுக்குப் போகணுமா... எதுக்குங்க?’’
‘‘ஆபத்தில்லாத, பாதுகாப்பான தீபாவளி கொண்டாடுங்க’ன்னு எல்லோரும் சொல்றாங்களே விமலா!’’