மனிதர்களுக்கான மருத்துவர்கள் தெரியும். விலங்குகளுக்கான டாக்டர்கள் இருப்பதையும் அறிவோம். மரங்களுக்கான டாக்டர் தெரியுமா..?தெரியும் என இனி அழுத்திச் சொல்லலாம்! காரணம், விஜய் நிஷாந்த். இவர்தான் இந்தியாவின் முதல் ட்ரீ டாக்டர்!மரங்களுக்காக தனியாக இணையதளம் அமைத்து ஒவ்வொரு மரத்துக்கும் தனி கவனம் செலுத்தி பராமரிக்கிறார் விஜய்.

‘‘அப்பா தன் சட்டைப் பையில் வைக்கிற காசை எண்ணிப் பார்த்துட்டு வைச்சாருனா திருடு போவதை ஈசியா கண்டுபிடிப்பார் இல்லையா? அதே கான்செப்ட்தான். ஒரு பகுதியை தேர்வு செஞ்சு அங்க இருக்கிற எல்லா மரங்களையும் எண்ணி மேப் வைச்சு டிராக் பண்ணிடுவோம். யாராவது வெட்டினாலோ அல்லது சேதமாக்கினாலோ எங்களுக்கு தகவல் வந்துடும்!’’ டெக்னிக்கலாக பேச ஆரம்பிக்கிறார் விஜய் நிஷாந்த்.

தண்ணி பொதுச்சொத்து. அதை யாரும் யாருக்கும் தர மாட்டேன்னு சொல்ல முடியாது. இங்க தண்ணீர் நிற்காம இருக்கக் காரணம் மணல் கொள்ளைதான். இதைத் தடுத்துட்டா இரண்டு மாநிலங்களுக்கும் போதுமான நீர் கிடைக்கும். டெல்டா பகுதிகள்ல உள்ள கிராம மக்களை ஒண்ணு சேர்த்து அங்க மணல் அள்ளும் கும்பலை அடக்கி போதுமான மரங்களை வெச்சாலே போதும். தமிழ் நாட்டுக்கும் தண்ணீர் கிடைக்கும்.