வித்தியாசமான லைட்டிங், தனித்துவமான ஃபிரேம், ஆச்சரியப்படுத்தும் விஷுவல் என ‘சாணிக் காயிதம்’ படத்தின் மேக்கிங் அந்த ஒளிப்பதிவாளர் யார் என்னும் கேள்வியை எழுப்பியது. பதிலும் கிடைத்தது. யாமினி யக்ஞமூர்த்தி.

‘‘சொந்த ஊர் சென்னைதான். அப்பா நேஷனல் இன்சூரன்ஸில் வேலை செய்து ரிட்டையர்ட் ஆகிட்டார். அம்மா ஹோம் மேக்கர். நான் படிச்சது டிஜி வைஷ்ணவா கல்லூரியில் பிஎஸ்சி விஷுவல் கம்யூனிகேஷன். தொடர்ந்து கிராஃபிக் டிசைனரா ரெண்டு வருஷங்கள் வேலை செய்தேன்.

‘‘அப்பா அம்மாவுக்கு ‘சாணிக் காயிதம்’ ரொம்ப பிடிச்சிருந்தது. இந்தப் படம் மூலமா ஒரு ஆக்ஷன் படத்திற்கான ஃபிரேம் என்ன... எப்படி லைட்டிங் வைக்கணும்... இப்படி நிறைய விஷயங்கள் கத்துக்கிட்டேன். அதுக்கு திலீப் மாஸ்டர் பெரிய உதவியா இருந்தார். கேமரா வெறும் ஒரு கருவி தான். அதை நாம எப்படி பயன்படுத்தறோம் என்பதுதான் நாம யாருனு வெளி உலகத்துக்கு காட்டும்.

அடுத்ததா ஒரு தெலுங்குப் படத்துக்கு ஒளிப்பதிவு செய்துட்டு இருக்கேன்... இன்னும் சில புராஜெக்ட்ஸ் பேச்சு வார்த்தைல இருக்கு...’’ என்னும் யாமினி, ஒளிப்பதிவாளர் விஜய் கார்த்திக் கண்ணனை சமீபத்தில் திருமணம் செய்துகொண்டிருக்கிறார். இவரும் ‘சில்லுக்கருப்பட்டி’ படத்தில் ஒளிப்பதிவாளராகப் பணிபுரிந்தவர். மேலும் ‘டார்லிங் 2’, ‘ஆடை’, ‘டாக்டர்’, ‘சிந்துபாத்’, ‘காத்துவாக்குல ரெண்டு காதல்’ உள்ளிட்ட படங்களில் ஒளிப்பதிவாளராக வேலை செய்தவர் என்பது கூடுதல் தகவல்.