இளைஞர்களின் எடுத்துக்காட்டு, இன்ஸ்பிரேஷன், ரோல்மாடல் என இவரை எப்படி வேண்டுமானாலும் சொல்லிக் கொள்ளலாம். காரணம், கண்முன்னே தனி ஒருவனாக இவர் கடந்து வந்த பாதை நிச்சயம் ஒவ்வொரு இளைஞருக்கும் எனர்ஜி டானிக்தான்.

விஜே டூ நடிகர், தயாரிப்பாளர், பாடலாசிரியர்... என இவர் அடுத்தடுத்து எடுக்கும் அவதாரங்கள் தமிழ் சினிமாவை மட்டுமில்லாமல் மற்ற மொழி சினிமா பிரபலங்களையும் கூட ஆச்சரியத்தில் ஆழ்த்தி வருகிறது. ‘டான்’ வெளியாகி குடும்பங்கள் கொண்டாட ஓடிக்கொண்டிருக்கும் நிலையில் நம்மிடம் பேசினார் சிவகார்த்திகேயன்தமிழ் சினிமாவின் ‘டான்’?

இயக்குநர் ராஜ்குமார் பெரியசாமியும் நானும் ஒண்ணா டிவியில் வேலை பார்த்தவர்கள். அதைப்போல கமல் சாருக்கும் அவருக்கும் அதே டிவி மூலமா சந்திப்பு கிடைக்க... அப்புறமா உள்ளே வந்தவன்தான் நான். அப்படித்தான் இந்த இணைப்பு ஏற்பட்டுச்சு. பெரிய கனவு மாதிரி இருக்கு. இப்போதைக்கு இந்த ப்ராஜெக்ட் அறிவிப்பில் இருக்கு. பாடலாசிரியரா நீங்கள் எழுதும் பாடல்கள் மூலமா கிடைக்கிற வருமானத்தை நா.முத்துக்குமார் குடும்பத்திற்கு கொடுத்துட்டு இருக்கீங்களே... என்ன காரணம்?

கல்லூரி நாட்கள்ல யுவன் ஷங்கர் ராஜா - நா. முத்துக்குமார் காம்போதான் என்னுடைய அத்தனை உணர்வுகளுக்கும் வடிகாலா இருந்துச்சு. நா.முத்துக்குமாரை இரண்டு முறை நான் பார்த்திருக்கேன்; பேசியிருக்கேன். அவர் மரணத்துக்கு போகும்போது என் கண்ணில் பட்டது ஒண்ணே ஒண்ணுதான். அவருடைய குழந்தை பக்கத்துல உட்கார்ந்திருந்துச்சு.

அது என்னை ரொம்ப பாதிச்சது. இதை பெரிய உதவியா எல்லாம் பார்க்கல... அவரை நான் ரசிச்சிருக்கேன்... எந்தப் பாடலா இருந்தாலும் 15 நிமிஷத்தில் எழுதுவார்னு சொல்லுவாங்க. அப்படிப்பட்டவருக்கு ஒரு மரியாதையா இதைச் செய்துட்டு இருக்கேன். எந்த இயக்குநர்கூடவாவது வேலை செய்யணும்னு ஆசை இருக்கா? ஷங்கர் சார் கூட பணிபுரியணும் என்கிற ஆசை அப்பவும் இப்பவும் இருக்கு.