சில காரணங்களை வெளிப்படையாகச் சொல்ல முடியாது. ‘8 தோட்டாக்கள்’ பெரிய வரவேற்பைக் கொடுத்ததை மறுக்க முடியாது. ஒரு வெற்றியில் கற்றுக்கொள்வதை விட ஒரு தோல்வியில் நிறைய கற்றுக்கொள்ளலாம் என்று சொல்வார்கள். ‘8 தோட்டாக்கள்’ பண்ணும்போது நான் சினிமாவுக்கு புதியவன். ஓர் உதவி இயக்குநராக இருந்த கொஞ்ச காலத்திலேயே படம் பண்ணினேன்.

நேர்த்தியாக படம் எடுக்கத் தெரிந்த எனக்கு சினிமாவுக்குள் நடக்கும் உள் விஷயங்கள் எதுவும் தெரியாமல் இருந்தது. படம் வெளியானதும் மக்கள் அதைப் பற்றி பேசினார்கள். இண்டஸ்ட்ரியில் பாராட்டினார்கள். ரசிகர்கள் முதல் ரஜினி சார் வரை படத்தைப் பற்றி பெருமையாகப் பேசினார்கள். அந்தப் படம் சத்யத்துல ஆறேழு வாரம் ஓடுச்சு.

இது பக்கா ஆக்‌ஷன் படம். ‘8 தோட்டாக்கள்’ ரிலீஸான ஒரு வாரத்தில் அதர்வா சாரிடமிருந்து ஃபோன் வந்துச்சு. ‘நாம சேர்ந்து படம் பண்ணலாமா’னு கேட்டார். ஆனா, கதையை ரெடி பண்ண ஒரு வருஷம் தேவைப்பட்டுச்சு. மதுரை பேக்டிராப் கதை என்பதால மதுரையில் தங்கி கிரவுண்ட் ஒர்க் பண்ணேன். நிறைய பேரை சந்திச்சபிறகே கதை ஒரு வடிவத்துக்கு வந்துச்சு.

அதுக்கப்புறம் அதர்வா சாரிடம் கதை சொன்னதும் எழுந்து நின்னு கட்டிப்பிடிச்சார். இத்தனைக்கும் ஃபர்ஸ்ட் ஆஃப்தான் சொன்னேன். என் நம்பிக்கையை காப்பாத்திட்டீங்கனு செகண்ட் ஆஃப்  கூட கேட்காம சம்மதம் சொல்லிட்டார். ஷூட் போறதுக்கு முன்னாடி ரெக்வஸ்ட் பண்ணி செகண்ட் ஆஃப் கேளுங்கன்னு செகண்ட் ஆஃபை சொன்னேன்.

நம்ம வீட்டு பையன் மாதிரி ஹேப்பியா, ஜாலியா வருவார். நிறைய இடங்களில் சிரிக்க வைப்பார். இதெல்லாம் அவர் பண்ணாதது. அவருடைய ப்ளஸ்னு பார்த்தா ஸ்போர்ட்ஸ் உடல்வாகு உள்ளவர். அதுக்கேத்த மாதிரி இதுல கபடி ப்ளேயராவும் வர்றார்.  கபடி, படத்துல முக்கியமான பார்ட்.

அதுக்காக அதர்வா டிரைனிங் எடுத்தார். ‘ஈட்டி’ படத்துக்குப் பிறகு இதுல டிரைனிங் எடுத்துக்கிட்டேன்னு சொன்னார். படத்துக்காக ஒரு கபடி டோர்னமென்ட் ஷூட் பண்ணினோம். அதுல கலந்துகிட்டவங்க எல்லாருமே ரியல் ப்ளேயர்ஸ். ஸ்டேட் லெவல் கோச் ஆர்கனைஸ் பண்ணினார். ரியல் ப்ளேயர்ஸுடன்தான் விளையாடினார் அதர்வா. கலந்துக்கிட்டவங்க எங்க லெவலுக்கு விளையாடுறார்னு ஆச்சர்யப்பட்டார்கள்.

ஒரு அம்மாவின் மனநிலைதான். குழந்தைக்கு உடம்பு சரியில்லனா  எப்படி  தவிப்பாங்களோ அந்தமாதிரி தவிப்பு இருந்துச்சு. கோவிட் வராம இருந்திருந்தா படம் திட்டமிட்டபடி ரிலீஸ் ஆகியிருக்கும். கோவிட் ரெண்டு வருஷத்தை விழுங்கிடுச்சு. கலைஞனுக்கு பொறுமை முக்கியம். அதை இந்த காலகட்டத்துல அதிகமா கத்துக்கிட்டேன்.

வெளியில நடக்கிற சிச்சுவேஷனை நாம எதுவும் பண்ண முடியாது. நம்மை உற்றுக் கவனித்தால் உள்ளுக்குள் நடப்பவைகளை கன்ட்ரோல் பண்ண முடியும். பக்குவம் இல்லாம இருந்திருந்தா படம் வந்திருக்காது. பாதியில் நின்னு போயிருக்கலாம். இந்தப் படத்தோட பல கஷ்டங்கள் ஆடியன்ஸோட கைதட்டலா மாறியிருக்குன்னு நம்புறேன்.