‘‘தலைவர் ஏன் டென்ஷனா இருக்கார்..?’’
‘‘அவரோட குற்றப் பத்திரிகையை டி.டி.எச்-ல ஒளிபரப்பிட்டாங்களாம்..!’’

இ.பி. ஆபீசுக்கு போன் பண்ணி ‘கரன்ட் எப்போ சார் வரும்?’னு கேட்டா, ‘‘உன் மொபைல்ல இன்னுமா சார்ஜ் இருக்கு’’ன்னு கேக்கறாங்க... என்ன கொடுமை சார் இது!
- கரன்ட் எப்போ வரும்னு பல்பையே பார்த்துக்கொண்டு இருப்போர் சங்கம்

‘‘இருந்தாலும் நம்ம எம்.எல்.ஏவுக்கு தைரியம் ரொம்ப அதிகம்...’’
‘‘ஏன்... என்ன பண்ணார்?’’
‘‘நில அபகரிப்பு வழக்கு மாதிரி, தன் பதவியைப் பறிச்ச தலைவர் மேல வழக்கு போடமுடியுமான்னு கேட்கறார்!’’

நாம ஒரு பொண்ணை நோட் பண்ணலாம். ஆனால் காயின் பண்ண முடியாது.
- சைட் அடிக்கும்போது சில்லறைத்தனமாக யோசிப்போர் சங்கம்

‘‘ஆபரேஷன் தியேட்டருக்குள்ள டாக்டர் எதுக்கு சியர்ஸ் கேர்ள்ஸை நிற்க வச்சிருக்காரு..?’’
‘‘பேஷன்ட் அவுட் ஆனா அவங்க ஆடுவாங்க...’’

‘‘பணம் கொடுத்துத்தானே ஆட்களைக் கூட்டி வந்தீங்க... அப்புறம் ஏன் நான் பேசும்போது அவங்க கைதட்டலை?’’
‘‘மனசாட்சி இடம் கொடுக்கலையாம் தலைவரே..!’’

என்னதான் லாரி ஸ்டிரைக்கா இருந்தாலும், பேச்சுவார்த்தை முடிஞ்சா ஸ்டிரைக்கை ‘வாபஸ்’தான் வாங்க முடியும்; ‘வாலாரி’ எல்லாம் வாங்க முடியாது!
- டீசல் விலை உயர்வை எதிர்த்து அதிக விலைக்கு பெட்ரோல் ஊற்றி பெட்ரோல் வண்டி ஓட்டுவோர் சங்கம்