‘‘தலைவர் ரொம்ப கோபமா இருக்காரே... என்ன விஷயம்?’’
‘‘கட்சிக்காரங்க யாரோ, ‘அரசியல் பவர்ஸ்டாரே’ன்னு அவருக்கு பட்டம் கொடுத்து போஸ்டர் அடிச்சு ஒட்டிட்டாங்களாம்..!’’

என்னதான் ‘ஆட்டோ’ன்னு பேர் இருந்தாலும் அதை ‘மேனுவலா’தான் ஓட்ட முடியும். தானா ஓடாது..!
- ‘தேனான’
தத்துவங்களை ‘தானா’ யோசிப்போர் சங்கம்

‘‘ஏட்டய்யா! திடீர்னு எதுக்கு கபாலியை கைது செய்தீங்க..?’’
‘‘திருட்டு ராஸ்கல்... நமக்குத் தெரியாம ரகசியமா திருடப் போறான்யா!’’

நீங்க எவ்வளவு பெரிய ‘பிஸ்தாவா’ இருந்தாலும் உங்களை பாயசத்துக்கோ, ஐஸ்கிரீமுக்கோ உபயோகப்படுத்த முடியாது.
- பிஸ்தாக்களைப் பார்த்து பயந்து நடுங்கும்
பிஸ்கோத்துகள் சங்கம்

‘‘டாக்டர் பட்டம் வாங்கியதிலிருந்து தலைவர் ரொம்பதான் பந்தா காட்டுறார்...’’
‘‘எப்படி..?’’
‘‘ஓய்வு நேரத்தில் என்ன செய்யுறீங்கன்னு கேட்டா, ‘மெடிக்கல் காலேஜ் மாணவர்களுக்கு டியூஷன் எடுக்கிறேன்’னு சொல்றார்..!’’

என்னதான் ஒரு டாக்டர் அறுவை ஜோக் சொல்லி சிகிச்சை கொடுத்தாலும் அதையெல்லாம் ‘அறுவை’ சிகிச்சைன்னு சொல்ல முடியாது.
- ஆபரேஷன் தியேட்டரில் படுத்தபடி அபாயகரமாக யோசிப்போர் சங்கம்

‘‘தோல்வியைக் கூட தலைவர் வெற்றியா மாத்திக்குவாரா... எப்படிச் சொல்றே?’’
‘‘தூக்கத்துல நடக்கிற வியாதியை, நடை பயணமா மாத்திட்டார்னா பாத்துக்கோயேன்..!’’