‘‘தலைவர் தட்டுத் தடுமாறி மேடையில ஏறுற மாதிரி ஆகிப்போச்சு...’’
‘‘அவ்வளவு கூட்டமா..?’’
‘‘ம்ஹும்... அவ்வளவு போதை!’’

‘‘கட்சி ஆபீஸ்ல சூதாடினவங்களை போலீஸ் புடிச்சிக்கிட்டு போயிருச்சு தலைவரே...’’
‘‘என்ன பந்தயம்
வச்சு ஆடுனாங்க..?’’
‘‘உங்களை சி.பி.ஐ அரெஸ்ட் பண்ணுவாங்களா...
மாட்டாங்களான்னுதான்..!’’

‘‘எதுக்கு தலைவரே சம்பந்தமே இல்லாம திடீர்னு இன்னிக்கு கட்சி தாவறீங்க?’’
‘‘இன்றைய ராசி பலன்ல எனக்கு ‘இடமாற்றம்’னு போட்டிருந்துச்சு... அதான்யா!’’

என்னதான் மில்லுல போய் கோதுமை அரைச்சாலும், மிளகா, மல்லி, சீயக்காய்னு அரைச்சாலும், மில்லுக்கு பேர் என்னவோ ‘ரைஸ்மில்’தான்!
- பவர்கட் நேரத்தில் அடுத்தவர் தலையில் மிளகாய் அரைப்போர் சங்கம்

‘‘தலைவருக்கு வலுக்கட்டாயமா ஜாமீன் குடுத்து அனுப்பிட்டாங்களா... ஏன்?’’
‘‘ஜெயில்ல சக கைதிகளோட சாப்பாட்டை
அபகரிச்சிருக்கார்...’’

‘‘போன வாரம் நடந்த மாமியார் - மருமகள்
சண்டையில எங்க வீடு ரெண்டாயிடுச்சு...’’
‘‘ஐயோ... அப்புறம் என்ன பண்ணீங்க?’’
‘‘ஒரு வீட்டை வாடகைக்கு விட்டுட்டோம்..!’’

சாப்பாடு கெட்டுப் போனா, குப்பைத்தொட்டில போடலாம்; தின்பண்டம் கெட்டுப் போனா கூட கீழே போடலாம். ஆனா, சட்டம் - ஒழுங்கு கெட்டுப் போனா அதைக் குப்பையில் போடமுடியுமா?
- மரச்சட்டத்தில் ஆணியடித்தவாறு யோசிப்போர் சங்கம்