‘‘தலைவர் எல்லாருக்கும் கைகூப்பி வணக்கம் சொல்லிக்கிட்டிருந்தவரு, ஒருத்தர்கிட்ட மட்டும் கைநீட்டி கை குலுக்கிட்டுப் போறாரே..?’’
‘‘அந்த ஆள் மட்டும்தானே மோதிரம் போட்டிருந்தான்..!’’

‘‘யோவ் சர்வர்... என்னய்யா சாம்பார்ல பல்லி செத்துக் கிடக்கு?’’
‘‘ஸாரி சார்... நீங்க உயிரோட ஆர்டர் பண்ணியிருந்தீங்களா?’’

‘‘தலைவருக்கு வந்தது ரொம்ப சின்ன குற்றப் பத்திரிகைன்னு எப்படிச் சொல்றே..?’’
‘‘அஞ்சல் அட்டையில அனுப்பியிருக்காங்களே..!’’

‘‘மக்களோட வாங்கும் சக்தி அதிகரிச்சிடுச்சுன்னு தலைவர் எதை வச்சு சொல்றார்..?’’
‘‘முன்னே அவர்
போஸ்டர்ல சாணி எடுத்து அடிச்சவங்க, இப்போ ‘பீட்ஸா’ எடுத்து அடிக்கிறாங்களாம்..!’’

டாக்டர் தர்ற எல்லா ரிப்போர்ட்டையும் நாம பார்க்கலாம்; ஆனா, போஸ்ட் மாட்டம் ரிப்போர்ட்டை மட்டும் நாம பார்க்கவே முடியாது!
- ஊசி என்றாலே ஓடி ஒளிவோர் சங்கம்

விளக்கெண்ணெயை விளக்கில் ஊற்றலாம், தப்பில்லை. ஆனால் மண்ணெண்ணெயை மண்ணில் ஊற்றினால் தப்பு!
- தண்ணீரில் விளக்கெரிக்க ஆராய்ச்சி செய்வோர் சங்கம்

பேப்பர் பறக்காம இருக்கறதுக்கு பேப்பர் வெயிட் வைக்கலாம். ஆனா, விமானம் பறக்காம இருக்கறதுக்கு ‘விமான வெயிட்’ வைக்க முடியாது!
- லைஃப்ல உயர ரைட் சகோதரர்கள் மாதிரி திங்க் பண்ணுவோர் சங்கம்