கத்தி வெட்டுன்னா ரத்தம் வரும்; அருவா வெட்டுன்னா ரத்தம் வரும்; மின்வெட்டுன்னா ரத்தம் வருமா?
- பவர்கட்டில் பயங்கர டெர்ரர் ஆகி தத்துவம் சொல்வோர் சங்கம்

‘‘நீங்க திடீர்னு பெண் பார்க்க வந்ததுனால, டிபன் எதுவும் செய்ய முடியலை...’’
‘‘பரவாயில்லைங்க... ஹோட்டல்லே இருந்து பார்சல் வரவழைக்கற வரைக்கும் வெயிட் பண்றோம்!’’

‘‘கபாலி, ஏன் எப்பவும் ஒரே வீட்ல திருடறே..?’’
‘‘திருடுபவனுக்கே வீடு சொந்தம்னு ஒரு நாள் சட்டம் வராமலா போயிடும் எசமான்..?’’

தூண்டில் போட்டு மீனைப் பிடிக்கலாம்; ஆனால் கேன்டிலைப் போட்டு மீனைப் பிடிக்க முடியாது..!
- மீன் கிடைக்காத ஏமாற்றத்தில் தத்துவம் சொல்வோர் சங்கம்

‘‘வெற்றிக்கனி பறிக்கச் சொன்னதை தொண்டர்கள் தப்பா புரிஞ்சுக்கிட்டாங்களா... எப்படி?’’
‘‘தோப்புல மாங்காய் திருடப் போய் மாட்டிக்கிட்டாங்க தலைவரே..!’’

‘‘தலைவருக்கு தன்னோட கேஸ்ல தானே வாதாடணும்னு ஆசை இருக்கும் போல...’’
‘‘அதுக்காக ‘ஐ.பி.எல்’க்கு படிக்கப் போறேன்னு சொல்றது கொஞ்சமும் நல்லா இல்லே..!’’

என்னதான் முட்டை விலை ஏறினாலும், முழு முட்டையை உடைச்சித்தான் ஆஃப்பாயில் போடுவாங்க; பாதி முட்டையை வைச்சு போட மாட்டாங்க!
- அரைவேக்காடுத்தனமாக தத்துவங்கள் சொல்வோர் சங்கம்